ଚକଲେଟ ଗୋଟେ ମିଶି ଖାଇବା

ସାତ ବରଷର ନାତୁଣୀ ସୁହାନୀ

ହୋଇଲାଣି ଏବେ ବଡ ସିଆଣୀ

କୋଳେଇ କାଖେଇ ତା ସାନ ଭାଇକୁ

ଗେଲ କରି କେତେ ଯାଏ ବଖାଣି ।

ନାଚିନାଚି କେବେ ତାକୁ ହସାଏ

ବହଲେଇ ମନ କେତେ ବୁଝାଏ

କାଢି କାଞ୍ଚିଖୁରି ତା ଖେଳ କଣ୍ଢେଇ 

ରାନ୍ଧି ଭାତଡାଲି ପରଶି ଦିଏ ।

ମାଷ୍ଟର ବନି ସେ ବେତ ହଲାଇ 

ଦିଏ ଚିତ୍ର ଆଙ୍କି ପାଠ ବୁଝାଇ 

କହେ ସୁନା ପିଲା ହୁଅ ନାହିଁ ଦୁଷ୍ଟ 

ପାଠ ପଢ ନିଜ ମନ ଲଗାଇ ।

କାନ୍ଦି ନ ବୁଝିଲେ ତା ସାନ ଭାଇ 

କହେ ତୁ ବସିଥା ଆସୁଛି ମୁହିଁ

ମିଛେ ମିଛେ ଯାଇ ଫେରିଆସି କହେ

ଆଣିଛି ଚକଲେଟ୍‌ ଖାସ ତୋରି ପାଇଁ ।

ଚକଲେଟ ଲାଗଇ ସୁଆଦ ଭାରି

ଗଡଇ ପାଟିରୁ ଲାଳ ସବୁରି

ଗୋଟିଏ ହେଲେ ବି ଖାଇବନି ଏକା

ଖାଇନେବା ଦୁହେଁ ମିଶିକରି ।