ଚିଠି

   

ଦେଇଥିଲ ଯେଉଁ  ଚିଠି ଟି ତୁମର

ପାଇଛି ପ୍ରିୟା ମୁଁ ତାହା,

କଥା ଦେଇଥିଲ  ଆସିବା ପାଇଁ କି

ଆସିଲନି ତମେ କିଆଁ ।

ସେଦିନ ଯେବେ ମୁଁ ଚାହିଁଲି ତୁମକୁ

ମୁହଁ ଟି ତଳକୁ କଲ ,

ତୁମ ଗାଲ ଦୁଇ ଦିଶୁଥିଲା ନାଲି

ସତେକି ଲାଜେଇ ଗଲ ।

ଶେଜ ସଜାଇଛି ଗୋଲାପ ଫୁଲରେ

ଭାବି ମନେ ପ୍ରେମ ମୁଦ୍ରା,

ତୁମ ଆସିବାକୁ ଅନାଇଁ ବସିଛି

ଆଖିରେ ଆସୁନି ନିଦ୍ରା ।

ସ୍ଵପ୍ନ ରାଇଜରେ ରାଣୀ ତୁମେ ମୋର

ଫେରି କି ଆସିବ ସତେ,

ଆମେ ଦୁହେଁ ମିଶି ହେବା ବୋଲି ଏକ

ପରତେ ଯାଉନି ମୋତେ ।

ହୃଦୟ ଦରଜା ଖୋଲା ମୁଁ ରଖିଛି

ତୁମରି ପ୍ରବେଶ ପାଇଁ,

ଯେଉଁଠି ବସିଛ ସେଠାରୁ ଆସିବ

ଚକ୍ଷୁ ମୋ ରହିଛି ଚାହିଁ ।