ଚାଲୁଥିଲେ ସିଏ ଏକା ଏକା
ଚାଲୁଥିଲେ ସିଏ ଏକା ଏକା
ନାରୀଟିଏ ଏଠି
ଏକା ଏକା ଚାଲିପାରେ
ପ୍ରମାଣ ଦେଲ ତୁମେ
ଗାଁ ମୂଲକର ଝିଅଟିଏ ହୋଇ
ହାରିନ ଜୀବନ ଯୁଦ୍ଧେ ।
ପାହାଚ ପରେ ପାହାଚ ଚଢିଲ
ଲକ୍ଷ ତୁମ ରଖି ସ୍ଥିର
ଦୁଃଖ ସୁଖର ଏ ସଂସାର ହାଟରେ
ନିଜକୁ କଲ ନିଜଠୁ ଦୂର
ଯୁଗେ ଯୁଗେ ଏଠି ପ୍ରମାଣ ହୋଇଛି
ନାରୀଟିଏ ସର୍ବସଂହା
ତଥାପି ତାହାକୁ କହନ୍ତି ଅବଳା
ଭାଙ୍ଗନ୍ତି ତା'ଧର୍ଯ୍ୟର ସୀମା ।
ଆଜି ପୁଣି ଫେରିଛି
ସେ ଶୁଭ ଲଗନ
ହେ ବୀର ରମଣୀ
ଅଳଂକୃତ କଲ ତୁମେ
ଦେଶର ସର୍ବୋଚ୍ଚ ଆସନ
ଏ ନାରୀ ସମାଜ ପାଇଁ
ସୃଷ୍ଟି କଲ ତୁମେ
ଏକା ଏକା ଚାଲିବାର ଶ୍ରେଷ୍ଠ ଉଦାହରଣ ।
ନିଷ୍ଠାର ସହିତ ଏକା ଏକା ଚାଲି
ସଫଳ ଶିଖର ଛୁଇଁଛ
ସେବିକାରୁ ତୁମେ ରାଷ୍ଟ୍ର ନାୟିକା
ନିଜ ପରାକାଷ୍ଠା ପାଇଁ ହୋଇଛ
ଇତିହାସ ପୃଷ୍ଠା କରିଲ ମଣ୍ଡନ
ହେ ମହାନ ମହିୟସୀ
ମଥାନତ କରି ଜଣାଉ ପ୍ରଣାମ
ଆମେ ଏ ଉତ୍କଳ ବାସୀ ।