ଚାଚା ନେହେରୁ

ଚାଚା ନେହେରୁ ଚାଚା ନେହେରୁ

ଆଜି ପଡୁଛ ମନେ

ଆମ ଦେଶର ପ୍ରଧାନମନ୍ତ୍ରୀ

ପ୍ରଥମେ ହେଲ ତୁମେ

ଗାନ୍ଧିଜୀଙ୍କର ସହିତ ମିଶି

ଜେଲ ଗଲ କେତେ

ଜୀବନ  ତୁମ ଉତ୍ସର୍ଗ କଲ

ଦେଶ ଜାତିର ହିତେ

ମୋତିଲାଲଙ୍କ ସୁଯୋଗ୍ୟ ପୁତ୍ର 

ହେବ କେ ତୁମ ପରି

ଚଉଦ ନଭେମ୍ବରକୁ  ଶିଶୁ 

ଦିବସ ଗଲ କରି

ଶିଶୁ ହସିଲେ ଦେଶ ହସିବ

ସେ ଆମ ଭବିଷ୍ୟତ

ଶିଶୁ ଆମର ଅମୁଲ୍ୟ ଦାନ

ଏହି କଥାଟି ସତ

ଗୋଲାପ ଫୁଲ ଗୋଟିଏ ତୁମେ

ପକେଟେ ଦେଲ ଖୋସି

ଶିଶୁଟିଏ ଯେ ଦେଲା ତୁମକୁ

ରଖିଲ ହୋଇ ଖୁସି

ଦେଖିବ ଆସ ଆଜି ଦିନରେ

ଚାଚା ନେହେରୁ ତୁମେ

କେତେ ଯେ ଶିଶୁ ନରକେ ଆଜି

ପଡନ୍ତି ହୀନିମାନେ

ଭୋଗନ୍ତି କେତେ କଷଣ କାହିଁ

ହିସାବ ତାର ନାହିଁ

ସଜାଡି ଦିଅ ଶିଶୁ ରାଇଜ

ଶୁଭ ଦୃଷ୍ଟିରେ ଚାହିଁ ।।