ସତ୍ୟର ଅଭିସାର

ପୂରୁବ ଦିଗରେ ସିନ୍ଦୁରା ଫାଟିଲା

 ଉଇଁ ଆସିଲେ ତପନ

ନବ ପ୍ରଭାତରେ ନବ ଚେତନାରେ

ପୁଲକିତ ତନୁ ମନ 

ବନ୍ଦାପନା ଥାଳି ସଜାଡି ଦିଅଲୋ

ଗାଅ ଏକତାର ମନ୍ତ୍ର

ଜଳ ସ୍ଥଳ ଆଜି ହୁଏ ଏକାକାର

ଆସୁଛି ଭାରତ ମାତ 

ଦେଖ ତାକୁ ଥରେ ଆକାଶ ପଥରେ

ଉଡ଼ୁଛି ପଣତ ତାର 

ହିମାଳୟ ତାର ମଥାର କୀରିଟି

ଗଙ୍ଗା ଗଳାର ହାର

କେତେ ନଦ ନଦୀ ପଦ ଧୌତ ପାଇଁ

ଚରଣେ ଯାଆନ୍ତି ବହି

 ଚୁର୍ଣ୍ଣ କୁନ୍ତଳ ଉଡ଼ୁଛି ଯତନେ

ପବନ ରେ ରହିରହି

ଆସ ମା ଆସ ଅନାଇ ବସିଛୁ

ତୁମ ଆଗମନ ପାଇଁ

ଶୁଭ ଶଙ୍ଖ ଦୁରୁ ଓଁକାର ଧ୍ୱନି

ଶୁଭୁ ଅଛି ରହିରହି

ଆୟୁଧ ତୋହର ତ୍ରିରଙ୍ଗା ଉଡ଼ୁଛି

ଗଗନ ପବନ ଛୁଇଁ

 ସିଂହପୃଷ୍ଟେ ବସି ଆଶିଷ ଢାଳୁଥା

ସରବେ ଅଛନ୍ତି ଚାହିଁ

ଅମୃତ କଳସି ଉଛୁଳି ପଡୁଛି

ଅହିଁସାର ମନ୍ତ୍ର ଧାର

ପୂର୍ଣ୍ଣ କରମା ସକଳ ଭରସା

ସତ୍ୟର ଅଭିସାର।