ଚା, ଶୀତ ଆଉ ମୁଁ...
ଚା, ଶୀତ ଆଉ ମୁଁ...
ଶୀତୁଆ ସକାଳ ପହିଲି କିରଣେ
ଶୀତକୁ ଗରମ ଚାହା
ଥରୁଥାଏ ଓଠ ଯାଏନା ମୁଁ ତୁଠ
କୁହୁଡ଼ି ଛାଡ଼େନା ରାହା |
ମୁଁ ବସିଥାଏ ମୋ ନିଜ ପ୍ରାଙ୍ଗଣେ
ଲାଗିଥାଏ ଆଗେ ନିଆଁ
ଅଗ୍ନି ସ୍ପର୍ଶେ ଆସି ଫେରି ଯିବା ପାଇଁ
ମନକୁ ବୁଝେଇ ହୁଏନା |
ଶୀତ ସାଥେ ସାଥେ ସକାଳ ଗରମ
ଚାହା ପାଇଁ ଲାଗେ ଶୋଷ
ଖୋଜୁଥାଏ ଓଠ ପାଇବାକୁ ଟିକେ
ଚାହା କୋପର ସ୍ପର୍ଶ |
ଆମ ପ୍ରାଙ୍ଗଣରେ ପ୍ରାତଃ ସକାଳରେ
ଲାଗିଥାଏ ଆମ ଖଟି
ଖଟିରେ ମୁଁ ଥାଏ ମୋ ସାଥିରେ ଶୀତ
ତା ' ସାଥେ ଚାହା କୋପଟି |