ବ୍ୟାପକ ଅନନ୍ତ

ବ୍ୟାପକ ଅନନ୍ତ ସୃଷ୍ଟି ରଚୟିତା

     ପରମେଶ୍ବର ତ ଜଣେ

କିଏ କେଉଁ ନାମେ ଡାକନ୍ତି ତାହାଙ୍କୁ

     ଅତି ଆପଣାର ମଣେ ।

ପ୍ରଭୁଙ୍କ ସତ୍ତାରେ ଭିନ୍ନତା ଆସେନି 

      ଭିନ୍ନତା ଆସେ ଭାବରେ

ସେହି ନିରାକାର ସେହି ଯେ ସାକାର

       ରହିଥାନ୍ତି ହୃଦୟରେ।

ପରମେଶ୍ବରଙ୍କ ପ୍ରତିମା ନଥାଏ

      ତାଙ୍କ ସତ୍ତା ଅଲୌକିକ

ବିଭିନ୍ନ ରୂପରେ ବିଦ୍ୱାନ ଚିତ୍ରନ୍ତି

      ପ୍ରଭୁ କିନ୍ତୁ ଏକ ରୂପ।

ତାଙ୍କ ପ୍ରସନ୍ନତା ସର୍ବ ବ୍ୟାପି ଅଟେ

     ନିୟମରେ ଥିଲେ ହେଲା

ପୀଡା ପତନକୁ ନିବାରଣ କରି

      ଦୁଃଖୀ ସମ୍ଭାଳିବା ବାଲା।

ପତିତ ମାନଙ୍କୁ ତାରଣ କରନ୍ତି

     ପତିତର ବାନା ଉଡ଼େ

ଶାଶ୍ଵତ ସତ୍ତାଙ୍କୁ ସମ୍ବନ୍ଧ ଯୋଡିଲେ

      କଷଣ ଅଚିରେ ଫେଡ଼େ।

ଏହି ଧର୍ମ ପରା ମାନବ ଧରମ

      ଭାରତୀୟ ଚେତନାରେ

ଆମ ଜଗନ୍ନାଥ ବିଶ୍ଵର ଦେବତା

      ସର୍ବ ଧର୍ମ ବିଶ୍ଵାସରେ।