ବର୍ତ୍ତମାନ

ସମୟଟା ଏକ      ଉଡନ୍ତା ଚଢେଇ

     ଡେଣା ଝାଡି ଉଡିଯାଏ

ଉଡି ଉଡି ସାଥେ    ଧରି ନ ପାରିଲେ

    କେଉଁଆଡେ ଉଡିଯାଏ ||

ବର୍ତ୍ତମାନ ଅଟେ    ଅତିମୂଲ୍ଯବାନ

    ଅଛିସେ ତୁମ ହାତରେ

ତାର ଉପଯୋଗ  ଏବେ କରିବାକୁ

  ଭୁଲିବନି କେବେହେଲେ ||

ତାର ମୂଲ୍ୟଏବେ   ବୁଝି ନପାରିଲେ

   ଅତୀତ ସେ ହୋଇଯାଏ

ଅତୀତ ହୋଇ ସେ   ଇତିହାସ ହୋଇ

   ମନକୁ ବେଶି ଦୁଃଖଦିଏ||

ବର୍ତ୍ତମାନ ମୂଲ୍ୟ    ବର୍ତ୍ତମାନ ବୁଝି

ତା' ସୁବିନିଯୋଗ କରିବ 

ନହେଲେ ଅତୀତ    ହୋଇଯିବ ସିଏ

   ଅନୁଶୋଚନା କରିବ ||

ମହାନଦୀ ଜଳ      ତଳକୁ ବହିଲେ 

     ପଛକୁ ସେ ଫେରେନାହିଁ

ସମୟ ସେମିତି      ଅତୀତ ହୋଇଲେ 

     କେବେ ଫେରିଆସେ ନାହିଁ ||

ବର୍ଷାରେ ଯେମିତି      ମହାନଦୀ ଜଳ

       ତରତର ବହିଯାଏ

ସମୟ ସେମିତି     ଅବିଶ୍ରାନ୍ତ ଭାବେ    

     ସଦା ବହି ଚାଲିଥାଏ ||