ବର୍ଷା

ପହିଲି ଆଷାଢେ  କାନ ପାତି କେବେ

 ଶୁଣିଛ କି କୁହ ମୃଦୁ ସଙ୍ଗୀତ 

ସୁମଧୁର ସୁର  ରିମଝିମ ତାନ 

ପ୍ରକୃତି ସୁନ୍ଦରୀ ନୃତ୍ୟ ରତ । 

ନୂଆ ମେଘ ଦେଖି ନାଚଇ ମୟୂର 

ସପ୍ତରଙ୍ଗେ ଶୋଭା ଇନ୍ଦ୍ରଧନୁ

ବିଲ ବନ ପ୍ରାନ୍ତ ଶଇଳ ଶିଖର

ଶ୍ୟାମ ବିଭୂଷଣ ଚିତ୍ର ତନୁ ।

ବେଙ୍ଗ ରଜାପୁଅ ସାଜେ ବରବେଶ

ଥାଟ ପଟୁଆର ତେଲିଙ୍ଗି ବାଦ୍ୟ

ଚମକେ ବିଜୁଳି ଶୁଭ ବିବାହରେ

ନିନାଦଇ ମନ୍ତ୍ର ବଜ୍ର ଶବଦ ।

ଯୁଈ ଯାଈ ମଲ୍ଲୀ ଚମ୍ପା କେତକୀରେ

ଗଭାକୁ ସଜାଇ ଧ

Advertisement

ରଣୀ ରାଣୀ

ନାଲି ଟୁକୁ ଟୁକୁ  ମୃଦୁ ପଦ ପାତେ

ପାଳେ ରଜ ପର୍ବ ଓଢଣୀ ଟାଣି ।

ଆବର୍ତ୍ତେ ସ୍ୱସ୍ତିକେ ରଥ ପଥ ଚକ୍ର

ଝରେ ବିଷ୍ଣୁ ପଦୁ ପୟ ଅମୃତ

ସୁଉଚ୍ଚ ଶିଖର  ଶିବ ଜଟାଜୁଟ

ପ୍ରବହେ ପବିତ୍ର ଶୈଳୋତକ୍ଷେପ ।

ସତେ ସୁପବିତ୍ର ସ୍ୱୟଂ ଗଙ୍ଗା ମାତ

ଧରାଜଗତକୁ ଅବତରି

ବିତରନ୍ତି ସୁଧା  ସ୍ୱର୍ଗୀୟ ପରଶ

ସୁଶୀତଳ ମଧୁମୟ ବାରି ।

ଅନନ୍ତ ଶୟନେ ଭଗବାନ ବିଷ୍ଣୁ

ଶିବାଳୟେ ହୁଏ ଜଳାଭିଷେକ

ଜନଜୀବନରେ ଜାଗେ ନୂଆ ପ୍ରାଣ

କର୍ମ ଧର୍ମେ ଧ୍ୟାନ କବି ଭାବୁକ ।