ବର୍ଷା ଓ ଶରତ
ବର୍ଷା ଓ ଶରତ
ବର୍ଷା ଓ ଶରତ
ଅବେଳରେ ଫେରି ଆସିଛି ବରଷା
ଯାଇଥିଲା କେଣେ ଋଷି
ଭିଜାଇ ଦେଉଛି ତନୁ, ମନ, ପ୍ରାଣ
ଆସିଛି ବାଣ୍ଟିବ ଖୁସି I
ଶରତ ଆକାଶେ ବାଦଲ ଘୋଟିଛି
ଜହ୍ନ ଲୁଚାଇଛି ମୁହଁ
ଜହ୍ନିଫୁଲ ମୁହଁ ହସ ହସ ଦିଶେ
ଭିଜି ଯାଉଛି ତା ଦେହ I
ରଜନୀଗନ୍ଧା ତା ସୁବାସ ବାଣ୍ଟୁଛି
ମନରେ ଜାଳୁଛି ନିଆଁ
କୃପଣ କାହିଁକି ହେଉଛି ବରଷା
ଦିଏନାହିଁ ପ୍ରୀତିଛୁଆଁ I
ଆଖିରେ ଆଖିରେ ସପନ ଭରୁଛି
ଛାତିରେ ଭରୁଛି କୋହ
ଯୁଆଡେ ଦେଖିଲେ ଦିଶୁଥାଏ ଖାଲି
ବର୍ଷାର ନହୁଲି ମୁହଁ I