ବୋଝ
ବୋଝ
କୋଟି କୋଟି ପୁଣ୍ୟ ଫଳର ସ୍ୱରୂପ
ଧରାଧାମେ ଏ ଜୀବନ
ଜୀବନ ନୁହଁଇ ବୋଝଟିଏ ଜମା
ଈଶ୍ୱରଙ୍କ ବରଦାନ ।
ବରଦାନ ଶ୍ରେଷ୍ଠ ମଣିଷ ଜନମ
ଅବତୀର୍ଣ୍ଣ ଯାତ୍ରାପଥେ
ଯାତ୍ରାପଥ ନିତି ସଂଘର୍ଷରେ ପୂର୍ଣ୍ଣ
ବସିଛି ସଂସାର ରଥେ ।
ରଥରୋହୀ ମୁହିଁ ଜନ୍ମରୁ ସାଜିଛି
ମରଣରେ ଯାତ୍ରା ଶେଷ
ଶେଷ ହେବନାହିଁ ମୋହର କର୍ତ୍ତବ୍ୟ
ଜୀବ ନ ହୋଇଲେ ନାଶ ।
ନାଶ କରିଦେଇ ଆଶା ଅବଶୋଷ
କର୍ତ୍ତବ୍ୟର ବୋଝ ବୋହି
ବୋହି ଚାଲିଥିବି ମୁଣ୍ଡରେ ମୋହର
କେବେ ଭୁଲିଯିବି ନାହିଁ ।
ନାହିଁ ଅବିଶ୍ୱାସ ଆତ୍ମ ଶକତିର
ହାତ କାନ୍ଧ ସାମର୍ଥ୍ୟର
ସାମର୍ଥ୍ୟର ମୂଲ୍ୟ ହସ କାନ୍ଦ ପୂର୍ଣ୍ଣ
ପରିମାଣ ଯେ ବୋଝର ।