ବଣ ଖବର

ବିଲୁଆ ନନା ବିଲୁଆ ନନା 

ପଛକୁ ଟିକେ ବୁଲିକି ଅନା 

ପଛରେ ଆସୁଛି ବାଘ ଭାଇନା 

ହେଣ୍ଟାଳ ରଡି ଛାଡି 

ଗୟଳ ଆସେ ବାଘ ପଛରେ 

ଶିଙ୍ଗରେ ମାଟି ତାଡି ll

ହାତୀ ଭାଇନା ଘୁରି ବୁଲୁଛି 

ଭାଲୁ ଶୋଇଛି ନିଦେ 

ସିଂହାସନରେ ବଣର ରାଜା 

ସିଂହ ବସିଛି ଖେଦେ ll

ଜଙ୍ଗଲ ସାରା ନଦିଏ ଧରା 

ହରିଣ ମାରେ ଡିଆଁ 

ଘର ଚଟିଆ ବସିଛି ଦୁଃଖେ 

ଆସୁଛି ବଣ ଭୁଆଁ ll

ବୁଦା ଉହାଡ଼େ ଲୁଚି ଲୁଚିକା 

ଠେକୁଆ ଖାଏ ଘାସ 

ପାଣି ଅଭାବ ଜଙ୍ଗଲ ସାରା 

Advertisement

ହନୁକୁ ଭାରି ଶୋଷ ll

ବୈଶାଖ ମାସ ଟାଣୁଆ ଖରା 

ବଣରେ ଲାଗିଛି ନିଆଁ 

ପଶୁଠୁ ପକ୍ଷୀ ପ୍ରାଣ ବିକଳେ 

ମାରନ୍ତି ଖାଲି ଡିଆଁ ll

ଏତିକି ବେଳେ ନୀଳ ଆକାଶେ 

ଆସିଲା ମେଘ ଘୋଟି 

ମେଘକୁ ଦେଖି ଖୁସିରେ ସବୁ 

ଭୂଇଁରେ ଗଲେ ଲୋଟି ll

ଢ଼ାଳିଲା ମେଘ ତୁହାକୁ ତୁହା 

ପାଣିରେ ଗଲା ଭରି 

ଜଙ୍ଗଲ ସାରା ଗାଡ଼ିଆ ଯେତେ 

ଉଠିଲା ସବୁ ପୂରି ll

ମନ ଆନନ୍ଦେ ପିଇଲେ ପାଣି 

ଗାଡ଼ିଆ ତୁଠେ ଯାଇ 

ଖୁସିରେ ସବୁ ଉଠିଲେ ନାଚି

ତା' ଥେଇ ତା' ଥେଇ ll