ଏଇଦେଶ-ଏଇମାଟି

ଆମ ଦେଶରେ ସୁଖ-ସଂପଦ ସବୁ ରହିଛି ଭରି,

ଆମ ଦେଶର ସଂସ୍କୃତି ସହ କିଏ ବା ହେବ ସାରି ?

ଆମ ଦେଶର ମାଟିରୁ ସୁନା ହୀରା ମାଣିକ ମିଳେ,

ଫଳର ରାଜା ଆମ୍ବ ପଣସ ନଡ଼ିଆ ଫଳ ଫଳେ |

ଆମ ଦେଶର ପାଣି ପବନ ପଥର ପାଏ ପୂଜା,

ବୃକ୍ଷ ଦେବତା ଗାଈ ଗୋମାତା ବେଙ୍ଗକୁ କହୁ ରାଜା |

ଆମ ଦେଶର ନଦୀ ଜଳକୁ ଅମୃତ ବୋଲି କହୁ,

ଚନ୍ଦ୍ର ସୂର୍ଯ୍ୟଙ୍କୁ ଅଗ୍ନି ତାରାଙ୍କୁ ପିତା ସମ୍ମାନ ଦେଉ |

ଆମ ଦେଶରେ ଅନେକ ଜାତି ଅନେକ ଧର୍ମ ବର୍ଣ୍ଣ,

ତଥାପି ଆମେ ରହିଛୁ ମିଶି ଥାଉ ଭାଷାରେ ଭିନ୍ନ |

ଆମ ଦେଶର ବିଜ୍ଞାନୀ ଯାଇ କରନ୍ତି ଯେଉଁ କାମ,

ଦେଶ ବିଦେଶେ ତାଙ୍କରି କାମ ବଢ଼ାଏ ବିଶ୍ୱ ମାନ |

ଆମରି ଦେଶ ବିଶ୍ବର ଗୁରୁ ଶିଖାଇ ଦିଏ ମନ୍ତ୍ର,

ସତ୍ୟରେ ଯେ ଯୋଗରୁ ସୁସ୍ଥ ଅହିଂସା ଏକ ଅସ୍ତ୍ର |