ହେ, ଗଣପତି ଗଜାନନ ଠାକୁର

ହେ, ଗଣପତି ଗଜାନନ ଠାକୁର,

ତୁମ୍ଭ ଶ୍ରୀଚରଣ ତଳେ କୋଟି ଜୁହାର।

ହେ, ଗଣପତି ଗଜାନନ ଠାକୁର । (ଘୋଷା)

ବିଘ୍ନ ବିନାଶକ ବିନାୟକ ଗଣେଶ,

ଗଉରୀ ନନ୍ଦନ ଅଗ୍ରପୂଜ୍ୟ କଳସ ।

ରୂପ ଦରଶନେ ଦୁ୍ଃଖ ହୁଅଇ ଦୂର ।

ହେ, ଗଣପତି ଗଜାନନ ଠାକୁର । ॥୧॥

ମଥାରେ ସିନ୍ଦୂର କାନ୍ଧେ ସୁନା ପଇତା,

ଭକ୍ତଜନ ପାଇଁ ହାତେ ଲଡୁ ସାଇତା ।

ଏକଦନ୍ତ ଗଜମୁଖ ରୂପ ସୁନ୍ଦର ।

ହେ, ଗଣପତି ଗଜାନନ ଠାକୁର । ॥୨॥

ଜ୍ଞାନ ବୁଦ୍ଧିଦାତା ଦେବକୁଳ ନାୟକ,

ମୂଷିକ ବାହାନ ଶୁଭ ସୁଖ ଦାୟକ ।

ତୁମରି ଚରଣେ ମଥା ଥାଉ ମୋହର ।

ହେ, ଗଣପତି ଗଜାନନ ଠାକୁର । ॥୩॥