Buy Books worth Rs 500/- & Get 1 Book Free! Click Here!
Buy Books worth Rs 500/- & Get 1 Book Free! Click Here!

Sarthak Prasad Sahoo

Classics Others


4.6  

Sarthak Prasad Sahoo

Classics Others


ରଜ ର ଖୋଜ୍ ରେ

ରଜ ର ଖୋଜ୍ ରେ

1 min 91 1 min 91

ଛୁଟି ଦିନ ବୋଲି 

ମୋ ଶୂନଗାଡ଼ି ଧରି

ବାହାରିଲି ଟିକିଏ ପଦାକୁ,

ମନ ମୋ' କହିଲା

ଖୋଜିବା କି ଟିକେ ରଜକୁ ?


ଗହଳି ତ ଆଜି ବେଶ୍ ଥିଲା

ରାସ୍ତା ଘାଟରେ, 

ବଜାର ହାଟରେ,

ଗାଁରୁ ସହର ସବୁ ବାଟରେ ।


ତଥାପି ଥିଲା ଖାଁ ଖାଁ..

ଗାଁ ଶେଷର ଆମ୍ବ ତୋଟାଟା,

ଦାସେ ଘରପାଖ କୋଠଘରଟା,

ବୁଢ଼ା ବରଗଛ ମୂଳ ପୋଖରୀ ତୁଠଟା ।


ସେଇ ଶୂନ୍-ଶାନ୍ ର ବଳୟ ଭିତରେ 

ଅଣନିଃଶ୍ୱାସୀ ହେଉଥିଲେ..

ନୂଆବୋହୁର ପାଦ ଅଳତା,

ଲିଆ-ମୁଢ଼ିର ସଜଭାରଟା,

ଆଉ କାଠ ଚୁଲିର ପଲମ-ପିଠା ।


ବନସ୍ତ ତ ନୁହେଁ 

ଥିଲା ଖାଲି କଂକ୍ରିଟ ଜଙ୍ଗଲ,

ଆଉ ବାରୁଦର ଖାଦ୍ୟ ଭିତରେ

ଗଜ ଖୋଜୁଥିଲା ବଞ୍ଚିବାର ମୂଲ ।


ବାଉଁଶ ଦୋଳିର କଟମଟ

ଝାଉଁଳି ପଡ଼ୁଥିଲା 

ବୁଲେଟ୍ ର ଫଟ-ଫଟ ଶବ୍ଦ ଆଗରେ,

ଆଉ ପୁରୁଣା ରଜ-ଗୀତଟା 

ଛଟ୍-ପଟ୍ ହଉଥିଲା,

ସ୍ପିକର ଖଞ୍ଜା ଡିଜେର ଛାତିଥରା ଧ୍ୱନି ଭିତରେ ।


ତଥାପି ପାଇଲି ରଜକୁ,

ନୂଆ ଶାଢ଼ୀ ଆଉ ଜାମାର

ଖୁସି ଭିତରେ,

ଷ୍ଟିଲ୍ ତାୱା ଉପରେ ତାତୁଥିବା

ଚକୁଳି ପିଠାରେ,

ସ୍ପେଶାଲ ଷ୍ଟଲ୍ ରେ ସଜା ହୋଇଥିବା

ରଜ ପାନରେ,

ଆଉ ଡ୍ରଇଂ ରୁମ୍ ର ଛାତରୁ ଓହଳି ରହିଥିବା

ପ୍ଲାଷ୍ଟିକ ଦୋଳିରେ ।


ଉତ୍କଳୀୟ ସଂସ୍କୃତି ଓ ପରମ୍ପରା ମଧ୍ୟ

ବଞ୍ଚୁଥିଲେ ରଜ ସାଥିରେ,

ଭଳିକି ଭଳି ନୂଆ ରୂପରେ,

ପ୍ରତି ଆଷାଢ଼ର ପହିଲି ତିଥିରେ ।


ଆନନ୍ଦ ଉଲ୍ଲାସର ବର୍ଷା ଜଳରେ

ଭିଜୁଥିଲା ପ୍ରତି ଓଡ଼ିଆ ପ୍ରାଣ,

ମୁଁ ଲେଉଟିଲି ଗୋଧୂଳି ସଞ୍ଜରେ 

ରଜକୁ ଦେଇ ଫେରିବା ରାଣ ।



Rate this content
Log in

More oriya poem from Sarthak Prasad Sahoo

Similar oriya poem from Classics