ହୋଇବ କି ମନ ତୋଷ
ହୋଇବ କି ମନ ତୋଷ
ରଥ ଗଡ଼ିବନି ଚକ ଗଡିବନି
ଗଡିବନି ନନ୍ଦିଘୋଷ
କଳା ସାଆନ୍ତମୋ ମଉନେ ବସିଛ
କରି ଅଛ କିବା ରୋଷ ||
ତୁମରି ଆଜ୍ଞା ରେ ଚଳେ ଏ ଜଗତ
ତୁମେ ତ ସୃଷ୍ଟି ର ଧାର
କରି କରାଉଛ ସବୁ ଭିଆ ଉଛ
ତୁମେ ମୂଳ କର୍ଣ୍ଣଧାର ||
କରୋନା ବଶରେ ରହିଛି ବିଶ୍ୱ
ଦିଶୁ ନାହିଁ କିଛି ପଥ
ଅଣସର ଘରେ ଶୋଇ ଅଛ ତୁମେ
ଉଠ ପ୍ରଭୁ ଜଗନ୍ନାଥ ||
ସର୍କାର ଆଇନ ସବୁ ଏକାକାର
ବଜାନ୍ତି ସତର୍କ ଘଣ୍ଟା
ପାଳିଆ ସେବକ କରି ପ୍ରତିବାଦ
ଭିଡନ୍ତି ତାଙ୍କରି ଅଣ୍ଟା ||
କରମ ଭୂଇଁ ରୁ ଜନମ ଭୂଇଁକୁ
କିପରି ଯିବ ହେ ତୁମେ
କରୋନା ନିୟମ ଅମାନ୍ୟ କରିଲେ
ପାତକ ଲାଗିବ ନାମେ ||
ତୁମରି ହାତରେ ବନ୍ଧା ହୋଇଅଛି
ମଣିଷ ଗାଈର ରଜ୍ଜୁ
ଯେଣେ ଭିଡୁ ଥାଅ ସେଣେ ଗଡିଯାଏ
ନ ଥାଏ ତାହାରି ଯୁଉ ||
ନିଜ ରଥ ଡୋରି ନିଜ ହାତେ ବନ୍ଧା
ତଥାପି ଭାବୁଛ କିସ
ଭକ୍ତର ସୁରକ୍ଷା କରି ନ ପାରିଲେ
ମନଟା ଲାଗିବ ବିଷ ||
ତୁମେ ଭକତର ଭକତ ତୁମର
ଭକ୍ତ ପାଇଁ ତୁମ ଯାତ
ବିନା ଭକତରେ କେମିତି ହୋଇବ
ସର୍ବ ଶ୍ରେଷ୍ଠ ଘୋଷଯାତ ||
ଏ ଜଗତ ସୃଷ୍ଟି ତୁମେ ତାର ସ୍ରଷ୍ଟା
ମନୁ ତେଜ କର ରୋଷ
ସୃଷ୍ଟି ସ୍ରଷ୍ଟାଙ୍କର ମିଳନ ନ ହେଲେ
ହୋଇବ କି ମନ ତୋଷ ||