ବନ୍ଦେ ଗୁରୁଦେଵ

ଆଦ୍ୟ ଗୁରୁ ସିନା ବାପମାଆ 

ଜୀବନ ସାରା ଲଭୁ ଶିକ୍ଷା

ସକଳ ଘଟରେ ଗୁରୁରୂପେ ରହି

ବତାଇ ଦେଉଛ ରାସ୍ତା ।

ଅଜ୍ଞାନ ରୂପକ ଅନ୍ଧକାର ତୁମେ

କରିଲ ହେ ଦେବ ଦୂର

ହେ ପରମଇଶ୍ବର କରୁଛି ପ୍ରଣାମ

କରନି ତୁମଠୁ ଅନ୍ତର।

ସ୍ଥାବର ଜଙ୍ଗମ କୀଟପତଙ୍ଗେ

ତବରୂପ ଯାଏ ଦିଶି

ଚାଲୁଛି ମୁଁ ପଥ ଆଗକୁ ଆଗକୁ 

ସଭିଙ୍କଠୁ କିଛି କିଛି ଶିଖି ।

ଘର ଅଗଣାରେ ଦେଖେ ସେ ରୂପ

ପାଏ ପୁଣି ବିଦ୍ୟାଳୟେ 

ଜ୍ଞାନର ସାଗର ଲଙ୍ଘିବାକୁ ମୁହିଁ

ଅଣ୍ଟାକୁ ସଳଖ କରେ ।

ସକଳ ଘଟରେ ତୁମେ ଆତଯାତ

ଭୂଲି ପାରିବି କେମିତି 

ତୁମରି ଦୟାରେ ଏଜୀବନ ଗଢା

ଚରଣେ କରେ ପ୍ରଣତି ।