Library
Profile
ମୁଁ ବାମପନ୍ଥୀ
ମୁଁ ବାମପନ୍ଥୀ
ନ୍ୟାୟ ଅନ୍ୟାୟର ବିଚାର କରିବା
ମୋ'ର ଅଛି ଶକ୍ତି
ଯେହେତୁ ମୁଁ ବାମପନ୍ଥୀ ।
ନୀତି ଆଦର୍ଶର ବିଶ୍ଵାସୀ
ସାମ୍ୟବାଦରେ ମୁଁ ବିଶ୍ଵାସୀ
ଜାତି ଧର୍ମକୁ ବିରୋଧ କରେ ମୁଁ
ଯେହେତୁ ମୁଁ ବାମପନ୍ଥୀ ।
ଶୋଷଣ କଷଣର ମୁଁ ବିରୋଧୀ
ଶ୍ରମିକ, କୃଷକ, ଦଳିତ ଓ ପତିତଙ୍କ
ଜୀବନ ଜୀବିକାର ଅଟେ ଦରଦୀ
ସେ ପାଇଁ ମୁଁ ଦେଶ ଦ୍ରୋହୀ ଉଗ୍ରପନ୍ଥୀ
ଯେହେତୁ ମୁଁ ବାମପନ୍ଥୀ ।
ସଭିଙ୍କୁ ଭାବେ ମୁଁ ନିଜର
ନ ଥାଏ ଭେଦ ମୋ ମଧ୍ୟେ ପରଆପଣାର
ମୁଁ ସଂଗ୍ରାମୀ ମୋ ମଧ୍ୟେ ଅଛି ଦେଶ ଭକ୍ତି
ସମାଜ ସଂସ୍କାର ପାଇଁ
କାନ୍ଦି ଉଠେ ମୋ'ର ସର୍ବ ଗ୍ରନ୍ଥି
ଯେହେତୁ ମୁଁ ବାମପନ୍ଥୀ ।
କୃଷକ ଶ୍ରମିକ ମହିଳାମାନଙ୍କ ଦୁଃଖକୁ
ଭାବି ଥାଏ ମୁଁ ମୋ ନିଜ ଦୁଃଖ
ପରୋପକାର ଓ ସମାଜ ସେବାରେ
ମୁଁ ପାଇଥାଏ ସୁଖ
କିଏ କୁହେ ମୋତେ ଚରମ ପନ୍ଥୀ
କେ ମୋତେ କୁହେ ଦେଶ ଦ୍ରୋହୀ ଓ ଉଗ୍ରପନ୍ଥୀ
ଯେହେତୁ ମୁଁ ବାମପନ୍ଥୀ ।
ବିଶ୍ଵ ଶାନ୍ତି ବିଶ୍ଵ ସମୃଦ୍ଧି
ମୋ ଜୀବନ ର ଅଟେ ଉକ୍ତି
ସର୍ବ କ୍ଷେତ୍ରେ ସର୍ବ ସମୟେ
ଚାହେଁ ମୁଁ ମଣିଷ ଜାତି ଓ
ମଣିଷ ସମାଜର ମୁକ୍ତି
ଯେହେତୁ ମୁଁ ବାମପନ୍ଥୀ ।
ଦୀନ ଦରିଦ୍ରଙ୍କ ଅଟେ ମୁଁ ସାଥୀ
ମୋ ଠାରେ ନ ଥାଏ ପ୍ରିୟା ପ୍ରୀତି
କର୍ମ ନୈପୁଣ୍ୟତା ଓ ନିଷ୍ଠାପର କର୍ମେ
ମୋର ଥାଏ ମତି
ଦେଶ ଓ ସମାଜେ
ସଂସ୍କାର ଆଣିବା ଲକ୍ଷ୍ୟରେ ମୋ'ର ଥାଏ ପ୍ରୀତି
ଯେହେତୁ ମୁଁ ବାମପନ୍ଥୀ ।
ଶୋଷଣ ରୂପକ ଶାସନୁ
ଦେଶ ଓ ବିଶ୍ଵକୁ କରିବାକୁ ମୁକ୍ତି
ଜାଗ୍ରତ ପ୍ରହରୀ ସାଜିଛି ମୁଁ
କୃଷକ ଶ୍ରମିକ ଙ୍କୁ ସଂଗଠିତ କରି
ବିଶ୍ଵେ ସାମ୍ୟବାଦ ସମାଜବାଦ ଆଣି
ସମଗ୍ର ମାନବ ସମାଜକୁ ଦେବାକୁ
ଚାହେଁ ମୁଁ ଶାନ୍ତି
ଯେହେତୁ ମୁଁ ବାମପନ୍ଥୀ ।
ଅସହିଷ୍ଣୁତା ହିଂସାରୁ
ମାନବ ସଭ୍ୟତାକୁ ଦେବା ପାଇଁ ମୁକ୍ତି
ମଣିଷ ପଣିଆ ଓ ମାନବିକତାର
ବିକାଶ ପାଇଁ
ଏ ବିଶ୍ଵେ ପ୍ରତିଷ୍ଠା ପାଇଁ ଶାନ୍ତି
ଜଣତନ୍ତ୍ର ଓ ଏକଛତ୍ରବାଦରୁ
ମଣିଷକୁ କରିବାକୁ ମୁକ୍ତି
ଶପଥ ନେଇଛି ମୁଁ
ଯେହେତୁ ମୁଁ ବାମପନ୍ଥୀ ।
