ବିଳାସୀ କୁମ୍ଭ
ବିଳାସୀ କୁମ୍ଭ
ଭାବି ବି ଭାବି ହୁଏନା
ଭାବନାରେ ପୂର୍ଣ୍ଣଛେଦ କାହିଁ ?
ମନେ ମନେ ଭାବି ରାବି ଶୋଇ ହୁଏନା
ଅନେଶତ ଚିନ୍ତାରେ ପୂର୍ଣ୍ଣତା ଚାହିଁ ?
ତୁମକୁ କେଉଁ ନାମରେ ଡାକିବି
ମରୀଚିକାର ଛାଇ ନା
ବେଳାଭୂମୀର ରାଇ ।
ତୁମକୁ କେଉଁ ଭାବରେ ଭାବିବି
ଅନାମିକା ଅଭିସାରିକା ନା
ସ୍ଵପ୍ନବନରେ ମିଶୁଥିବା କଳ୍ପିତ ପ୍ରେମିକା ।
ତୁମକୁ କେଉଁ ସ୍ଥାନରେ ଭେଟିବି
ତୁମେ ସତ୍ୟ ନା ସ୍ଵପ୍ନ
ପ୍ରଶ୍ନବାଚୀର କୁହୁତାନ ନା
କଳ୍ପନା ପ୍ରସୂତ ଲେଲିହାନ ।
ତୁମେ ବାସ୍ତବ ନା ଭ୍ରମ
ଚେତନା ସର୍ବସ୍ବ ଧୂମ
ମୋ କକ୍ଷ ପଥରେ ଘୁରୁଥାଅ
ସ୍ଵପ୍ନ ବିଭୋର ବିଳାସୀ କୁମ୍ଭ ।