ପ୍ରେମ ଓ ଅପେକ୍ଷା
ପ୍ରେମ ଓ ଅପେକ୍ଷା
ପ୍ରେମ ଓ ଅପେକ୍ଷା
ଦୁହେଁ ତ ଦୁହିଁଙ୍କ ମିତ
ଅପେକ୍ଷା ନାହିଁ ତ
ପ୍ରେମ ହୁଏ ମିଛ
ପ୍ରେମ ପାଇଁ ପରା
ପ୍ରେମିକ ପ୍ରେମିକା
ହୁଅନ୍ତି ଅପେକ୍ଷାରତ ।
କବି, ପ୍ରେମିକ ଓ ଶିକାରୀ
ତାଙ୍କ ସଫଳତା ପାଇଁ
ଅପେକ୍ଷା ରୁହନ୍ତି ଧୈର୍ଯ୍ୟ ଧରି
କବିତା ପାଇଁ ଲୋଡା ଅପେକ୍ଷା
ପ୍ରେମ ପାଇଁ ଲୋଡା ଅପେକ୍ଷା
ଶିକାର ପାଇଁ ବି ଲୋଡା ଅପେକ୍ଷା
ଅପେକ୍ଷା ର ଫଳ ମିଠା
ହେ ପ୍ରେମିକ ପ୍ରବର
ଅପେକ୍ଷା ନାହିଁ ତ
ପ୍ରେମ ପାଠ ମନୁ ଭୁଲି ଯା ।
ପ୍ରେମ ଓ ଅପେକ୍ଷା
ପରସ୍ପର ପରିପୂରକ
ଅପେକ୍ଷା ବିନା
ପ୍ରେମ ରହିଯାଏ ହୋଇ ଅଧା
ଏ କଥା ମନେ ରଖ ପ୍ରେମିକା ପ୍ରେମିକ
ଅପେକ୍ଷା ର ମାନେ ଧୈର୍ଯ୍ୟ ର ପରୀକ୍ଷା
ଭଲ ପାଇବାର ଅଗ୍ନି ପରୀକ୍ଷା
ଜୀବନ ନିଏ ସେ ଜୀବନ ଦିଏ ସେ
ହାରିଲେ ଶହୀଦ ଜିତିଲେ
ପିନ୍ଧନ୍ତି ପ୍ରେମିକ ପ୍ରେମିକା
ବିଜୟ ର ଟୀକା
ପ୍ରେମ ଏକ ଜୀବନ ର ଯୁଦ୍ଧ
ଅପେକ୍ଷା ତା'ର ସାଧନା
ସେ ପ୍ରେମ କୁ କରେ ଯୁଗ ଯୁଗକୁ ସିଦ୍ଧ ।
ପ୍ରେମ ପାଇଁ ଅପେକ୍ଷା
ଅପେକ୍ଷା ପାଇଁ ପ୍ରେମ
ଦୁହେଁ ଦୁହିଁଙ୍କ ପାଇଁ ଏକାନ୍ତ କାମ୍ୟ
ସେ ଗହନ ଘରର ବିଦ୍ୟା
ଦୁଇ ହୃଦୟର ମିଳନେ ବନ୍ଧା
ଜୀଇଁବା ର ଏକ ଅଦୃଶ୍ୟ ଭାଷା
ପ୍ରେମ ଏକ ଜୀବନ ଜୀବିକା ର ପରିଭାଷା
ସମାଜ ପରିବାରର ବିକାଶ ର ଆଶା
ସେ ଶାନ୍ତି ମୁକ୍ତି ମୈତ୍ରୀ ର
ଆଲୋକ, ଆଶା ଓ ଆକାଂକ୍ଷା
ସେ ଶାଶ୍ଵତ ଚିରନ୍ତନ
ସେ ଅଜୟ ଅକ୍ଷୟ
ପ୍ରେମ ପ୍ରାପ୍ତି ପାଇଁ ଯୁଗ ଯୁଗ ଧରି
ମୁନି, ଋଷି, କିନ୍ନର, ଗନ୍ଧର୍ବ ଓ ଦେବ
କେତେ କେତେ କରିଛନ୍ତି ପ୍ରତୀକ୍ଷା
ଏ ନିୟତି ର ଖେଳ
ବିଶ୍ଵ ନିୟନ୍ତା ରଚିଛନ୍ତି
ପ୍ରେମ ପାଇଁ ଅପେକ୍ଷା
ଦୁଇଟି ଶଦ୍ଦ ନୁହେଁ ଏ କେବଳ
ଏ ପ୍ରେମ ଓ ଅପେକ୍ଷା ।