ସରସ୍ଵତୀ ବନ୍ଦନା
ସରସ୍ଵତୀ ବନ୍ଦନା
ଆସ ଗୋ ଜନନୀ ! ବିଦ୍ୟା ପ୍ରଦାୟିନୀ !
ଆଜିର ଏ ଶୁଭ ଦିନେ,
ଅପସରି ଯାଉ ଅଜ୍ଞାନ-ଜଡତା
ତୁମରି କରୁଣା ଦାନେ ।୧।
ଘୋର ଅନ୍ଧାରରେ ବସିଅଛୁ ମାଆ !
ତୁମରି କରୁଣା ବିନା,
ଜ୍ଞାନାଲୋକ ଟିକେ ଦିଅ ହେ ଜନନୀ !
ଜଗାଇଦିଅ ଚେତନା ।୨।
ତୁମ କୃପା ବିନା - ଧିକ୍ ଏ ଜୀବନ
ତୁଚ୍ଛ ସକଳ ଗୁଣ,
ବରଦା !, ଶାରଦା ! ଦିଅ କୃପା ବାରି
ପୂର୍ଣ୍ଣ ହେଉ ଏ ପ୍ରାଣ ।୩।
ବାଜି ଉଠୁ ବୀଣା - ଜ୍ଞାନର ସଙ୍ଗୀତ
ସଞ୍ଚରିଯାଉ ହେ ମାତା !,
ସକଳ ଅବିଦ୍ୟା ନାଶ ହେ ଜନନୀ !
ତୁଟିଯାଉ ଏ ଜଡତା ।୪।
ଜ୍ଞାନଗୁଣେ ଶ୍ରେଷ୍ଠ ହେଉ ମୋର ଦେଶ
ପୂରୁବ ଗୈାରବ ଫେରୁ ,
ବିଶ୍ଵକୁ ଆଲୋକ ଦେଖାଉ ଭାରତ
ସଭିଙ୍କର ହେଉ ଗୁରୁ ।୫।
ଜ୍ଞାନ ଗାରିମାର ଆଶିଷ ଦିଅମା !
ତୁଟିଯାଉ ସବୁ ଭ୍ରାନ୍ତି,
"ଭାରତୀ"ଙ୍କ ବୀଣା ଭାରତରେ ବାଜୁ
ଭରିଯାଉ ସୁଖ, ଶାନ୍ତି ।୬।
କୋଟିଏ ପ୍ରଣାମ ଶ୍ରୀ ଚରଣେ ମାତ
ଏତିକି କରୁଣା ହେଉ,
ସାରା ବିଶ୍ବରେ ମୋ ଦେଶର ଯଶ
କାଳ କାଳ ପାଇଁ ଥାଉ ।୭।