Library
Profile
ଜୀବନ -01
ଜୀବନ -01
1 min
221
ଜୀବନ..!
ଜନ୍ମରୁ ମରଣ
କିଛି ପାଇବା
ଆଉ,
ହରେଇବାର
ଚିହ୍ନ ।
ଜୀବନ..!
ଅମୃତ ର ଦାନ
ପ୍ରେମଭରା
ଆଉ,
ଘୃଣାର ସ୍ପନ୍ଦନ l
ଜୀବନ..!
ଯାଦୁ ର ଘର
କିଛି ପୂର୍ଣ୍ଣ
ଆଉ,
କିଛି ଚୂର୍ଣ୍ଣର
ପ୍ରମାଣ l
ଜୀବନ..!
ମରୀଚିକା ମୟ
ମୋହ ର ସପନ l
ଜୀବନ..!
କେବେ,
ପୂର୍ଣ୍ଣମା ରାତି
ଆଉ,
ପୁଣି ଡହ ଡହ ସୂରୁଜ ର ତାତି l
ଜୀବନ..!
ପାହାଡି ଝରଣାର ସ୍ୱର
ବଣୁଆ ଗଛର ବାସ୍ନା
ଆଶା
ଆଉ,
ନିରାଶା ର ରଚନା l
ଜୀବନ !
ଜଳନ୍ତା ଜୁଇ
ବିଷାକ୍ତ ବେଳାର ରିଣ ଝିଣ ଶବ୍ଦ
ହୁତୁହୁତୁ ଜଳୁଥିବା ନିଆଁର ପାଉଁଶ
ଆଉ,
କିଛି ଅବଶୋଷ l
ଜୀବନ !
କଞ୍ଚା ହାଡ଼ -ମାଂସ-ରକ୍ତ ର
ଏକ ମାଟି ଘଟ
ଏନ୍ତୁଡ଼ି ର କୁଆଁ କୁଆଁ
ଆଉ,
ସମୟକୁ ଫାଙ୍କି ଦେଇ
ବଞ୍ଚିବାର ଏକ
ଅଦେଖା ବାଟ l
ଜୀବନ !
ଜାଣି ଶୁଣି
ଅଜଣା ହେବାର ସୂତ୍ର
ମରି ମରି
ବଞ୍ଚିବାର ଏକ
ପରମ ମନ୍ତ୍ର l
