ରଙ୍ଗ ମଞ୍ଚର ରଙ୍ଗ

ଏଡେ ରଙ୍ଗମଞ୍ଚ ଏତେ କଳାକାର

କିଏ ବା ହିସାବ ରଖିବ

ଦର୍ଶକ ମନରେ ବାନ୍ଧିଦେଲେ ବସା

ଜୀବନ ସାର୍ଥକ ହୋଇବ ll

ଭଲ ହେଉ ଅବା ମନ୍ଦ ଅଭିନୟ

ତା' ପାଖେ ଅଛି ତୋ ଖାତା

ଯିଏ ଯାହା କହୁ ଯାଏ ଆସେ ନାହିଁ

ସେଇ ହିଁ ଭାଗ୍ୟ ବିଧାତା ll

ଯାହାର ହାକିମ ପାଇକି ଆସିଛେ

ତାହାର ମାନଟି ରଖିବା

ନାମ ନ କରିଲେ ଚଳିବ ତାହାର

ନାମ ଅବା କାହିଁ ଛାଡ଼ିବା ll

ଆସୁ ଯେତେ ବାଧା ସୁଖ, ଦୁଃଖ, ଧୁନ୍ଦି

ଅଛନ୍ତି ସେ ଆମ ପାଖେ

ଜୀବନ ଜଞ୍ଜାଳ ହେଉ ଉବୁଟୁବୁ

ତଥାପି ସେ ଆମ ମୁଖେ ll

ଗଲେ ଯାଉ ପଛେ ଏହି ଯାତ୍ରା ସରି

ପାହିଗଲେ ପାଉ ରାତି

ହଜାର ହଜାର ଯୁଗ ପାଇଁ ତାଙ୍କୁ

ନ ଭୁଲିବ ଏହି ମତି ll