Library
Profile
ଜୀବନ -02
ଜୀବନ -02
1 min
197
ଜୀବନ !
ଏମିତି ଏକ ଇତିହାସ
ମାଡିଆସେ
ବର୍ତ୍ତମାନ
ଆଉ, ଭବିଷ୍ୟତ ପାଶ l
ଜୀବନ !
ସମୟକୁ
ଡାକି ଡାକି
ସାଉଁଟି ଆଣେ
ସାତ ଫରୁଆ ଭିତର ସ୍ମୃତି
ବିଷାକ୍ତ ମନରେ
ଭରି ଦିଏ
ଅମୃତର ସ୍ବର୍ଗୀୟ ଅନୁଭୂତି l
ଜୀବନ !
ହାରିବା ଜିତିବାର ଏକ ଶିକୁଳି
ବୁଝା -ଅବୁଝାର
ପରିଭାଷା
ଭକ୍ତ ଆଉ ଭଗବାନ ପରି
ଏକ ନିଶା l
ଜୀବନ !
କେବେ କେବେ
ଗଢିଦିଏ
ନୂଆ ଏକ ଜୀବନର ଜହ୍ନ
ଭାଙ୍ଗିଦିଏ
ଯୁଗ ଯୁଗ ଜାବୁଡି ଧରି ରଖିଥିବା
ଅଦେଖା
ଓ
ଅଭୁଲା ସପନ l
ଜୀବନ !
ଶିଖେଇ ଦିଏ
ଚିନ୍ହା ଆଉ ଅଚିନ୍ହା ର ଫୁତ୍କାର
ଭୋକିଲା ର ଚିତ୍କାର
କହିଦିଏ
ଦେଇଥିବା,
ପାଇଥିବା ସମୟର ସତ୍କାର l
ଜୀବନ !
କହିଦିଏ
ରାସ୍ତା କଡ଼ ର ପେଟ କଥା
ଆଉ
ଉପବାସ ପେଟ ରେ
ମୂଷା ଦୌଡିବା ର ବ୍ୟଥା
ପରସି ଦେଇ
ଜୀବନକୁ ଯୋଡିବାର ପ୍ରଥା l
