ପ୍ରେମ ଫଳ

ପ୍ରେମ ଫଳ ମିଠା ଅବା ସଦା ଖଟା 

ପ୍ରେମ ପାଇଥାଏ ବ୍ୟଥା

ଶାଶ୍ୱତ ଭୌତିକ ପ୍ରେମ ଯେ କୌତୁକ 

ସାଜି ସାମାଜିକ ପ୍ରଥା ll

ପ୍ରେମ କୃଷ୍ଣ ରାଧା ପରା ମନଲୋଭା 

ରାଧା ରାଣୀ ଝୁରି ମରେ

ଶ୍ରୀକୃଷ୍ଣ ବୁଝେନା ରାଧାର ଭାବନା

ବିରହେ ଜୀବନ ସାରେ ll

ରାମ ସୀତା ପ୍ରେମ ଅତୁଟ ବନ୍ଧନ

ସନ୍ଦେହରେ ପଶ୍ଚାତାପ

ବସୁଧା ଫାଟିଲା ସୀତା ପ୍ରାଣ ଗଲା

ସତୀତ୍ଵର ମହା କୋପ ll

ସାବିତ୍ରୀ ଜୀବନ ପ୍ରେମରେ ମହାନ

ମୃତ ସ୍ୱାମୀ ପାଏ ପ୍ରାଣ

ଧନ୍ୟ ସତ୍ୟବାନ ଧନ୍ୟ ଜନ୍ତୁରାଣ

ପ୍ରେମ ପାଇଁ ମହୀୟାନ ll

ଅଶୋକ ରାଜନ ଚଣ୍ଡାଶୋକ ଜାଣ

ପ୍ରେମ ପାଇଁ ଯୁଦ୍ଧ କଲେ 

କଳିଙ୍ଗର ବୀର ଚିହ୍ନ ଧଉଳିର

ଧର୍ମାଶୋକ ହୋଇଥିଲେ ll

ପୃଥ୍ୱୀରାଜ ବୀର ପ୍ରେମ ସଂଯୁକ୍ତାର

ମୁକସାକ୍ଷୀ ଇତିହାସ

ଯୁଦ୍ଧ ବିଭୀଷିକା ଧନ ଜନ ହତ୍ୟା

ପ୍ରେମ କରେ ସର୍ବନାଶ ll

ଶହେ ବରଷର ହେଲା ସଂଗ୍ରାମର

ପ୍ରେମ ପାଇଁ ଶତ୍ରୁ ବୃଦ୍ଧି

ବିଶ୍ୱ ଇତିହାସ ଦେଖିଲା ସେ ଧ୍ବଂସ

ପ୍ରେମ ହରେ ବୁଦ୍ଧି ଶୁଦ୍ଧି ll

ସନ୍ଥ ମୁନି ଋଷି  ଦେଖିକି ତନୁଶ୍ରୀ

ବନିତା ପ୍ରେମେ ପାଗଳ

ଛାର ଏ ପୁରୁଷ  ହୁଏ ମୋହ ଗ୍ରସ୍ତ

ଦେଖି ରୂପ ନାରୀ ଛଳ ll

ଏବେ ନାରୀ ନୁହେଁ  ଅବଳା ଦୁର୍ବଳା

ସ୍ୱାର୍ଥ ପାଇଁ ପ୍ରେମ କରେ

ପ୍ରେମେ କପଟତା ପ୍ରିୟ ଅଶୀଳତା

ସଚ୍ଚା ପ୍ରେମୀ କାନ୍ଦି ମରେ ll

ପାଶ୍ଚାତ୍ୟ ଦେଶର ଉଛୁଳା ପ୍ରେମର

ନାଟକ ଅଢେଇ ଦିନ 

ଗୋଲାପ ପ୍ରପୋଜ ଟେଡି ଚକୋଲେଟ 

ପ୍ରେମ ପାଇଁ ନିବେଦନ ll

ପ୍ରତି ବର୍ଷ ସେଠି  ପ୍ରେମ ଲାଗି ସାଥି

ମୁଲଚାଲ ବଜାରରେ

ଭୁଲିକି ସଂସ୍କୃତି ପ୍ରେମେ ଆମେ ମାତି

ଲୋକହସା ସଂସାରରେ ll

ଲୁଚି ଛପି ପ୍ରେମ କରିବାରେ ମନ

ଏବେକାର ପାଣିପାଗ

ହତ୍ୟା ବଳାତ୍କାର ଚରିତ୍ର ସଂହାର

ପାଇବାକୁ କାମ ଭୋଗ ll