ବିଜୟ - ଏକ ଶୂନ୍ୟତା ପାଇଁ
ବିଜୟ - ଏକ ଶୂନ୍ୟତା ପାଇଁ
ଆକାଶର ଉଚ୍ଚତା ଠାରୁ ଅଳ୍ପ ଉପରେ,
ସମ୍ପୂର୍ଣ୍ଣ (କିନ୍ତୁ କ୍ଷଣସ୍ଥାୟୀ ) ନୀରବତାର କ୍ଷେତ୍ରରେ;
ସ୍ୱଳ୍ପ ଆବେଗ ଓ ଅଶାର ଏକ ଚିଂଗାରୀ ଦିଶେ ।
ତର୍ଜନୀ ଓ ମଝି ଅଙ୍ଗୁଳିର 'V" ଚିହ୍ନ ,
ଶିଖରରେ ପହଂଚିବାର ପ୍ରବଳ ଇଛା;
ପରାସ୍ତ ହୁଏ ଐଶ୍ଵରୀୟ ଶକ୍ତି ନିକଟରେ ।
ପ୍ରଚଣ୍ଡ କ୍ରୋଧ ଓ ହଜି ଯାଇଥିବା ମହାନନ୍ଦର ଅନ୍ଧତ୍ଵରେ,
ବାଟବଣା ହୋଇ ଯାଇଥିବା ପ୍ରାପ୍ତିର ଶେଷ ଠିକଣାକୁ ଖୋଜି ;
ଯନ୍ତଣାର ପ୍ରଶିରା ମଧ୍ୟରେ ଆତ୍ମା ରାସ୍ତାଟିଏ ଆବିଷ୍କାର କରିନିଏ।
ପ୍ରଚଣ୍ଡ ଶକ୍ତିରେ ପରବର୍ତ୍ତୀ ବିଜୟ କିମ୍ବା ପରାସ୍ତର
ଉଜ୍ଜ୍ୱଳତାରେ, ପୁନଶ୍ଚ ଅନ୍ଧ ହୋଇଯିବାକୁ !
ଯେପରି ପରିବର୍ତ୍ତନ ପାଇଁ ,
ମୃତ୍ୟୁର ରଥ ଅଗ୍ରସର ହେଉଥାଏ ଜୀବନ ଆଡକୁ ।
ଏବଂ ହସେ, ଅଲମ୍ପିକ ଟ୍ରାକ୍ ର ଦୌଡ଼ରେ ହସିଲା ପରି,
ଆଖି ବନ୍ଦ କରି ନିଜ ଭିତରର ଶୂନ୍ୟତାକୁ ଦେଖି।