ଭ୍ରମଣ ସଂଧ୍ୟାର

ଭ୍ରମିବାକୁ ସାଥୀ ତୁମରି ସାଥିର

କରିଛି ମୁଁ ଆଶା କେତେ,

ଅସ୍ଥିର ମନ ମୋ ଉଡିବୁଲେ ଆଜି

ମୁକ୍ତ ଗଗନରେ ସତେ ।

ବର୍ଷା ଭିଜା ସଂଧ୍ୟା ନିର୍ମଳ ଆକାଶ

ଖୋଜଇ ପରଷ ତୁମ,

ସୈ।ନ୍ଦର୍ଯେ ବିଭୋର ହୋଇ ଅଛି ମୁହିଁ

ପ୍ରେମାଳାପ ହେବ ଆମ ।

କି ଆନନ୍ଦ ସତେ ସଂଧ୍ୟା ଭ୍ରମଣ ରେ

ପଡୁଛି ବରଷା ଛିଟା,

ପ୍ରେମ ମଧୁ ରଶେ ଭିଜିଯିବା ଆମେ

ଓଠରୁ ଝରିବ ମିଠା ।

ଶୀତଳ ପବନ ଦେହକୁ ଲାଗିଲେ

ଶିହରିବ ତନୁ ମନ,

ତୁମରି ପରଷ ମୋ ଦେହକୁ ପରା

ଅଥୟ କରିବ ଜାଣ ।

ନଦୀତୁଠେ ପୁଣି କଦମ୍ବ ମୂଳରେ

ପ୍ରକୃତିର ଶୋଭା ରାଶି,

ସରାଗେ ତାହାକୁ ଅନୁଭବେ ଯିବ

ପହଞ୍ଚିବ କେବେ ନିଶି ।

ବେଦମ୍ ହେବି ମୁଁ ହସିହସି ତେବେ

ଯେବେ ଥିବ ମୋର ସାଥେ,

ସତେ କି ଥାଆନ୍ତା ଏଇ ଅନୁଭୁତି

ଚାହିଁ ବସିବି ତ ପଥେ ।

ସଂଧ୍ୟା ଭ୍ରମଣ ରେ ମୁକ ଶାଖି ଏଇ

ନଦୀପଠା ବୃକ୍ଷ ମୂଳ,

ଆସି ତ ଏଠିକି ମନେ ପଡିବ ମୋ

ବିତୁ ପଛେ ଯେତେ କାଳ ।

ସଂଧ୍ୟା ଭ୍ରମଣ ରେ ଆସିବ ଏଠିକି

ହୋଇବ ମିଳନ ଆମ,

କହିବନି କିଛି ବାହାନା ସଜାଇ

ଥାଉ ପଛେ ଯେତେ କାମ ।

ଜୀବନ ରାସ୍ତାର ପଥିକ ସଭିଏଁ

ଚାଲୁଥିବା କେତେ ଦିନ,

ସେଇ ଦିନ ସବୁ ନାଟକ ସରିବ

ପିଣ୍ଡୁ ଯିବ ଯେବେ ପ୍ରାଣ ।