Library
ଭିନ୍ନ ଦିଗନ୍ତ
ଭିନ୍ନ ଦିଗନ୍ତ
ଚୁନା ଚୁନା ଭାବନା ସବୁ
ଭଲ ଭଲ ବର୍ଣ୍ଣନା ସବୁ
ବଛା ବଛା ଶବ୍ଦାର୍ଥ ସବୁ
ଭାରି ଥିରି ମୋହନୀ
ପୁରା ଚୁପ୍ ଶଇତାନୀ ।
ମିଳି ମିଶି ମଗଜରେ
ନିଜ ଇଛାରେ
ପଶନ୍ତି ଅସ୍ତବ୍ୟସ୍ତ
ଚିନ୍ତା ଚେତନାକୁ
ନିଜ ମର୍ଜିରେ
କୁତୁ କୁତୁ କରନ୍ତି ବ୍ୟତିବ୍ୟସ୍ତ
ଆଶ୍ଚର୍ଯ୍ୟ ଲାଗେ ମୋତେ
ସେତେବେଳେ ମୁଁ ଥାଏ କାର୍ଯ୍ୟବ୍ୟସ୍ତ
ସମୟ ନ ଥାଏ
କାଗଜ ନ ଥାଏ
କଲମ ବି ନ ଥାଏ
ସଜେଇବାକୁ ଶବ୍ଦ ସମ୍ଭାର
ଗାରେଇବାକୁ ସୃଜନ ଶୃଙ୍ଗାର
ସ୍ଥାନ କାଳ ପାତ୍ର ତନ୍ତ୍ରରେ ମତିବ୍ୟସ୍ତ ।
ମାତ୍ର ବିଡମ୍ବନା ଏତିକି
ମାତ୍ର ବ୍ୟତିକ୍ରମ ଏତିକି ।
ନିରୋଳା ମୂହୁର୍ତ୍ତରେ
ପ୍ରକୃତି କୋଳରେ
ଏକାନ୍ତ ବାସରେ ଥିବାବେଳେ
ଭାବନା ତରଙ୍ଗ
ବର୍ଣ୍ଣନାର ସାତରଙ୍ଗ
ଶବ୍ଦ ଛନ୍ଦର ଉମଙ୍ଗ
କୁଆଡ଼େ ଦିଶନ୍ତିନି
ଲୁଚି ପଡ଼ନ୍ତି
ଚିନ୍ତା ଚେତନାରେ ପଡନ୍ତିନି ।
ମନରେ ସ୍ଵତ8 କଥା ଭଠେ
କାଳବୈଶାଖି ଧୂମ୍ରକୁର୍ଣ୍ଣଳୀ
ଖଣ୍ଡିଆ ଭୂତ ପରି ଘୁରିଭଠେ ।
ଭାବନା ଗୁନ୍ଥିବା
ଶବ୍ଦ ବ୍ୟୁତ୍ପତ୍ତି ବିଶ୍ଳେଷଣ କରିବା
ଗୋଟେ ଅଭିନ୍ନ କଥା ।
ପରିସ୍ଥିତି ବର୍ଣ୍ଣନା କରିବା
ଶବ୍ଦର କାନ ଧରିବା
ଆଉ ଗୋଟେ ଅଛିନ୍ନ କଥା ।
ନୂଆ ଶବ୍ଦ ସଂଯୋଜନା କରିବା
ଶବ୍ଦ କାରିଗର ହେବା ପୁରା ଭିନ୍ନ ବ୍ୟଥା
ଠିକ୍ ତୁମ ଚୁପ୍ ସଇତାନି ପ୍ରେମ ପରି
ଠିକ୍ ତୁମ ଥିର ମୋହିନୀ ପ୍ରେମ ପରି
ପୂରା ଭିନ୍ନ ଦିଗନ୍ତ ।
