ଭାରତ ଭାଗ୍ୟ ବିଧାତା
ଭାରତ ଭାଗ୍ୟ ବିଧାତା
ଆସିଲା ପ୍ରଭାତ ନୂତନ ଆଲୋକେ
ତମସା ଦୂରେଇ ଦେଇ
ସ୍ବାଧୀନ ଭାରତ ଜଗତେ ହସିଲା
ନଭେ ତ୍ରିରଙ୍ଗା ଉଡେଇ ।
ସ୍ବପ୍ନ ସତ ହେଲା ଦେଶ ଭକ୍ତଙ୍କର
ଧନ୍ୟ ହେଲେ ବଳିଦାନୀ
ମାତୃଭୂମି ପାଇଁ ଜୀବନ ଯେ ଦେଲେ
ଭାରି ଥିଲେ ଅଭିମାନୀ ।
ପଦ ପଦବୀରେ ଲୋଭ ନଥିଲା
ସ୍ବାଧୀନତା ଥିଲା ଲକ୍ଷ୍ୟ
ମୃତ୍ୟୁ କେବେ ତାଙ୍କୁ ଡରାଇ ପାରିନି
ଇତିହାସେ ଅଛି ସାକ୍ଷ୍ୟ ।
ହସି ହସି ଯିଏ ଫାଶୀରେ ଚଢିଲେ
ପାଇଥିଲେ କଳାପାଣି
ଭାରତର ସେ ବୀର ସନ୍ତାନ ଗଣ
ଅମର ତାଙ୍କ କାହାଣୀ ।
କରିଛୁକି ଆମେ ତାଙ୍କୁ ସମ୍ମାନୀତ
ପୂଜିଛୁ ଆଦର କରି
ନିଜ ସ୍ବାର୍ଥେ ଆମେ ଅନ୍ଧ ପାଲଟିଛୁ
ସ୍ବାର୍ଥପର ଲୋକ ପରି ।
ଭାରତ ମାତାର କି ଋଣ ସୁଝିବା
ଛଳନା ଭିତରେ ରହି
ଶପଥ କରିବା ଆଜିଠାରୁ ଆସ
ଅନ୍ୟାୟ ଦେବା ଦୂରେଇ ।