ଭାଗ୍ୟ ଭଗବାନ ଭୁଲକଥା
ଭାଗ୍ୟ ଭଗବାନ ଭୁଲକଥା
ଜୀବନରେ ଏତେ କଷ୍ଟ ମୁଁ ସହୁଛି
କାହିଁକି କୁହ ତ ମୋତେ
ତୁମପାଇଁ ସବୁ ସୁଖ ଲେଖା ଅଛି
ମୋ ପାଇଁକି ଦୁଃଖ ଯେତେ I
ହେତୁ ହେଲା ଦିନୁ ବିଶ୍ରାମ ନେଇନି
ଗଧ ଭଳି ଖଟେ ନିତି
ତୁମେ ସବୁବେଳେ ହସ ହସ ମୁହଁ
ମୋ ଆଖିରେ ଲୁହ ଭର୍ତ୍ତି I
ପୂର୍ବ ଜନମର କର୍ମଫଳ କ‘ଣ
ସତେ ମୁଁ ଭୋଗୁଛି ଆଜି
ତା‘ ଯଦି ସତ, ସେ ଜନମ କଥା
କିଛି ମୁଁ ପାରୁନି ହେଜି I
ସେ ଜନ୍ମରେ କ‘ଣ ଏ ଦେହଟି ଥିଲା
ଯିଏ କରିଥିଲା ପାପ
ତାହେଲେ କାହିଁକି ସେ ଦେହର ପାପ
ଏ ଦେହକୁ ଦିଏ କଷ୍ଟ I
ମୁଁ ତେଣୁ ଭାବୁଛି ଭାଗ୍ୟ ଭଗବାନ
ସବୁ ମନଗଢା କଥା
ତୁମପାଇଁ ସବୁ ପରିଶ୍ରମ ଫଳ
ଆମ ଭାଗ୍ୟେ ଲେଖା ବ୍ୟଥା I