ନ୍ୟାୟବନ୍ତ ଧର୍ମରାଜ
ନ୍ୟାୟବନ୍ତ ଧର୍ମରାଜ
ଝୁମ୍ପୁଡି କୁଡିଆ ଭୂଇଁ ଧରିଲାଣି
ଦେଖୁନ କି ମହାବାହୁ,
ଆଶାର ସୌଧ ତ ଚୁରମାର ହୋଇଲା
ଲୁହ ବହେ ହୋଇ ଲହୁ,
ଅଟକୁଛି କହୁ କହୁ
ଅଣଚାଶ ବାଆ ଧସେଇ ପଶିଲା
କିସ କହିବି ମୁଁ ଆଉ ।
ସୁଖରେ ଥିଲି ମୁଁ ଗଣ୍ଡେ ଖାଇ ଦଣ୍ଡେ
ଜିଇଁ ଥିଲି ନିର୍ଦ୍ଵନ୍ଦରେ,
କପଟ ପଶାକୁ ଖେଳେଇ ଶକୁନି
ବାଧା ଦେଲା ମୋ ସ୍ଵପ୍ନରେ,
କିଛି ଚାହିଁ ନାହିଁ ଜୀବନରେ
ସବୁ ତୁମଦାନ ଗ୍ରହଣ କରିଛି
ମହାବାହୁ ମୁଁ ଖୁସିରେ ।
କେମିତି ତୋ ନ୍ୟାୟ ନିକିତି କରୁଛି
ନ୍ୟାୟବନ୍ତ ତୁ ଦେବତା,
ଅନୀତି ଦୁର୍ନୀତି ପାଖରେ କେମିତି
ନ୍ୟାୟଧୀଶ ନୀରବତା
ସବୁ ତୁ ଆଶା ଭରସା
ଦଣ୍ଡଧାରୀ ଯଦି ଅନ୍ୟାୟ ପାଖରେ
ନୁଆଁଇ ଦେଉ କି ମଥା ।
ଶୁଣିଅଛି କାହିଁ କେଉଁ କାଳୁ ପ୍ରଭୁ
ତୁ ନ୍ୟାୟବନ୍ତ ଧର୍ମରାଜ,
ତୋ ସାମ୍ରାଜ୍ୟ ରକ୍ଷା କରିବାକୁ କିବା
ଅବତାର ନାହିଁ ଆଜ,
ଦେଖ ପ୍ରଭୁ ଏ ସମାଜ
ଛଳ କପଟକୁ ଆଭୂଷଣ କରି
ଭିକାରୀ ପୁଣି କେ ରାଜ ।
ଆସ ପ୍ରଭୁ ଏହି ଧରାକୁ ଥରଟେ
ନ ହୋଇ କେବେ ନୀରବ ,
ଧର୍ମର ଜୟ ଅଧର୍ମ ବିନାଶ
ବିଶ୍ଵାସ କରନ୍ତୁ ସର୍ବ
ସତ୍ୟ ଧର୍ମ ନ୍ୟାୟ ବିଶ୍ବାସ ରହୁ
ଦୋଷୀ ଦଣ୍ଡରେ ଦଣ୍ଡିତ ।