ଭାବଗ୍ରାହୀ

ଭାବ କୁ ନିକଟ,ଭାବ ରେ ମିଳନ

ଭାବ ସହିତ ଭାବର ନିବିଡ଼ ସମ୍ପର୍କ

ଆତ୍ମାରେ ବିହ୍ଵଳିତ ଭାବ

ଭକ୍ତିରେ ନିଷ୍ଠା ସହ ହୃଦୟ ଜଡ଼ିତ

ଭକ୍ତର ଭାବରେ ବନ୍ଧା ଭଗବାନ

ଅନ୍ତରର ଭାବକୁ ଚିହ୍ନି

ସେଇ ଭାବ ଡୋରୀରେ ,ଭକ୍ତ ଓ ଭଗବାନ ।

ଅନ୍ତରରେ ଭାବ ଥିଲା, ରାଧାର

ହୃଦୟ ଖୋଲା ଭାବ

ସେଇ ଭାବରେ କାହ୍ମା ହେଲେ ବିହ୍ବଳ

ସେଇ ବିହ୍ୱଳ ଆବେଗ ର ପରିପ୍ରକାଶ

ବଇଁଶୀ ସ୍ଵରରେ , ରାସ ରସରେ

କେତେ ସେ ଭାବର ଗାମ୍ଭିର୍ଯ୍ୟ

ଯୁଗ ପରେ ଯୁଗ ରାଧାକୃଷ୍ଣ ନାମ

ଗୁଞ୍ଜରିତ ଜନ ମାନସରେ।

ମୀରା ର ଭାବ ଭକ୍ତି ଓ ନିଷ୍ଠା

ଦିନ ରାତି ଅହରହ କୃଷ୍ଣ ଭାବ ଓ ପ୍ରେମ

ସେଇ ଭାବରେ ନିବିଡ଼ ସମ୍ପର୍କ

ସେଇ ଭାବ ର ସ୍ରୋତରେ ବିଷ ଭାସିଗଲା

ବିଷ ପାନ ପରେ ବି ବଞ୍ଚିଲା ଜିବନ

ପୁଣି ସେଇ ଭାବ ର ଧାରା 

ବଜାୟ ରହିଲା, ସେ ପରା ଭାବରେ ଆଗ୍ରହୀ!!

ବନ୍ଧୁତ୍ୱ ର ଭାବ ସୁଦାମା ସହିତ

ଖୁଦ ଭଜା ମନ ଜିଣିନେଲା

ବନ୍ଧୁ ଭାବ ବଜାୟ ରହିଲା

ବନ୍ଧୁର ଦାରିଦ୍ର୍ୟ ଭାବରେ ବାନ୍ଧିଲେ ନିଜକୁ

କୃଷ୍ଣ ସୁଦାମା ର ଭାବ ଗାଉଛି ଏ ସୃଷ୍ଟି।

ଅର୍ଜୁନ ବିଷାଦ ଭାବରେ ଜଣାଇଲା ଭାବ

ବ୍ରହ୍ମଜ୍ଞାନ ର ଭାବ ହୋଇଲା ଉଦୟ

ବିଷାଦ ଖଣ୍ଡନ ସହ ବିଶ୍ଵରୂପ 

ବିଶ୍ଵରୂପ ଦର୍ଶନ ରେ ଦିବ୍ୟଜ୍ଞାନ

ଅନ୍ତରର ବିଷାଦ ଭାବରେ ବି ଭାବ ସୃଷ୍ଟି

ଭାବଗ୍ରାହୀ ଜାଣନ୍ତି ହୃଦୟରେ ଅଛି କେଉଁ ଭାବ!!

ଶବରୀ ଜାଣି ନ ଥିଲା ଭାବ କଣ

ଫଳ ଚାଖୁ ଥିଲା ଖଟା ଅବା ମିଠା

ସେଇ ଚାଖିବା ଭାବରେ ହୃଦୟର ଭାବ ବି ଜଡ଼ିତ

ଅଇଁଠା ନୁହେଁ,ସେ ହିଁ ଭାବ ର ନିଦର୍ଶନ

ଶବରୀ ଅଇଁଠା ଖିଆ,ଜାଣିଲେ ଜଗତ।

ଭାବ ହିଁ ଭଗବାନ ,ଭଗବାନ ହିଁ ଭାବ

ନୀଳାଚଳ ଧାମ ରେ ବି ଭାବ ର ପରୀକ୍ଷା

ସାମାନ୍ୟ ନଡ଼ିଆ ଆଉ ଅଛୁଆଁ ବାଉରୀ

ଭାବରେ ବାନ୍ଧିଲେ ସାଠିଏ - ପଉଟି - ଖିଆଙ୍କୁ

ଶୁନ୍ୟରେ ଉଡ଼ିଲା ନଡ଼ିଆ

ବଡ଼ଦାଣ୍ଡରେ ଦାସିଆ ନଡ଼ିଆ ର ଚର୍ଚ୍ଚା।

କାହିଁ କେତେ ଭାବର ପୁଜାରୀ

କେବଳ ଭାବ ର ରାସ୍ତାରେ ଚାଲିଲେ

ଲକ୍ଷ-ସ୍ଥଳୀ କୁ ପାଇଲେ ଭାବରେ

ଭାବରେ ନିଷ୍ଠା,ଭାବଗ୍ରାହୀ ସ୍ଵୟଂ ପରାକାଷ୍ଠା

ପ୍ରତି କଥା,କାମ ଓ ଭାବନା

ସମର୍ପଣ ଭାବରେ ବାନ୍ଧିଲେ

ଭାବ ବିନୋଦିଆ ସାଥିରେ,ସେ ପରା ଭାବଗ୍ରାହୀ