ବାଲିଘର

   ବିକ୍ଷୁବ୍ଧ ସାଗର  ଢେଉ ମାଳ ମାଳ

     ନୈସର୍ଗିକ ଶୋଭା ତାର

   ବିଭୋର ହୋଇଲି  ଦେଖି ଭାବୁଥିଲି

     ତୋଳି ଏକ ବାଲିଘର॥

   ବାଲିର ମହତ୍ତ୍ୱ   ପିଲାବେଳ ଖେଳ

      ସମୟ ସୁଅ ପ୍ରଖର

   ଭାବୁଅଛି ଆଜି   ଗଡିଲା ବୟସେ

     ନିଚମନା ତୋର ମୋର॥

   ବାଲି ଗରଡା ସେ  ଗଡି ଗଡି ଯାଏ 

     ଜୀବନ ପ୍ରଖର ସୁଅ

   ବାଲିର ପରସ୍ତ  କେତେ ଦୁଃଖ ସୁଖ 

     ନପାଇଲି ତାର ଖିଅ॥

    ତୋ ପାଖରେ ବସି ଭାବୁଛି ଏତିକି

      ହୀରା ମୋତି ସମତୁଲ

    ସାଗରର ଢେଉ  ନିମିଷେ ଭାଙ୍ଗିଲା

      କଲା କେତେ କଲବଲ॥

    ହୃଦୟ ପଥର   ଭାଙ୍ଗି ଦେଲା ମୋର

      ସିମେଣ୍ଟ ବାଲି ପଥର

    ସାଧାରଣ ବାଲି  ହେଉ ଅଛି ଭାଳି

      କେତେ ଭାଙ୍ଗ ରଙ୍ଗ ତାର॥