ଅପେକ୍ଷାରେ ତୁମ
ଅପେକ୍ଷାରେ ତୁମ
ସାରା ରାତି
ତମାମ୍ ଅନ୍ଧକାର ଭିତରେ
ପରସ୍ତ ପରସ୍ତ କରି
ଥୋଇ ଚାଲୁଥିଲି
ଅତୀତର ଅନେକ କିଛି ସ୍ମୃତି ।
ସେଦିନ ତୁମେ ବି ଥିଲ
ଥିଲା ଗୋଟେ ପୂର୍ଣ୍ଣିମାର ରାତି
ହୃଦୟ ସ୍ପନ୍ଦନ ତୁମ କହୁଥିଲା
ସାରା ଜୀବନ ମୁଁ ତୁମ ସାଥି।
ଅଚାନକ ଆଖିର
ଅଙ୍କାବଙ୍କା ଲୁହ ସବୁ
ଏକାକାର ହୋଇଗଲା
କବରର ରକ୍ତ ମାଟିରେ l
ପାଦତଳ ମାଟି ଖସିଗଲା
ଲହୁ ଲୁହାଣରେ
ମରୀଚିକା ପାଲଟିଗଲା
ହୃଦୟର କୋଣ ଅନୁକୋଣ
ସ୍ପନ୍ଦନ ରହିଗଲା ଖାଲି
ଅପେକ୍ଷାରେ ତୁମ ।