ଜଗା ପ୍ରତି ଅଭିମାନ
ଜଗା ପ୍ରତି ଅଭିମାନ
ଶବ ଗଦାରେ ଛିଡ଼ା ହୋଇ ମଣିଷ
ଡାକେ ଜଗନ୍ନାଥ
ପ୍ରସାରି ଦିଅ ତୁମେ ସୁଦୀର୍ଘ ପଥ
ନ ହେଉ କେବେ ଶେଷ ।
ମାଟିରେ ବୋହୁଛି ରକ୍ତର ଲହୁ
ଛିନ୍ନ ଭିନ୍ନ ହାତ ଗୋଡ଼
କିଏ ଡାକୁଛି ମାଆ ମାଆ ବୋଲି
କିଏ ଡାକୁଛି ଝିଅ ।
ଅଜଣା ପଥରେ ହଜିଗଲେ କେତେ
ନିରୀହ ନିଷ୍ପାପ ଲୋକ
ସବୁ ଦେଖି ତୁ ନ ଦେଖିଲା ଭଳି
କେମିତି ରହିଲୁ ରେ କହ।
କି ଦୋଷ କରିଥିଲେ ସେମାନେ
କରିଥିଲେ କି ପାପ
ବିନା ଦୋଷରେ ଏ କି ବିଚାର
କହରେ କାଳିଆ କହ ।
ସ୍ନାନମଣ୍ଡପେ ତୁମ ମହାସ୍ନାନ କଲୁ
ସୁନା କଳସରେ ପାଣି ନେଇ
କେତେ ଲୋକ ଆଜି ପାଣି ବୁନ୍ଦେ ପାଇଁ
ଗଲେ ଜୀବନରୁ ସରି ।
ତୁ ପରା ଅନାଦି ନିରାକାର ବ୍ରହ୍ମ
ସଭିଙ୍କ ପ୍ରାଣ ରକ୍ଷା କରୁ ତୁ
ଟେକି ଦେ ଥରେ ତୋ ଅଧା ହାତ
ଭକତ ତରି ଯାଉ ।