ଅନୁଷ୍ଠାନ

ମହତ ଉଦ୍ଦେଶ୍ୟ ସମାଜ ଉତ୍ଥାନ

   କଲ୍ୟାଣ ହିତ ସାଧନ

କରଇ ବୃହତ୍ତ ଲକ୍ଷ୍ୟକୁ ପୂରଣ

   ସଙ୍ଗଠିତ ଅନୁଷ୍ଠାନ ।

ଆଦର୍ଶ ବିଚାର ଆଚରଣ ବିଧି

   କରଇ ଅନୁପାଳନ

ସମୟାନୁବର୍ତ୍ତୀ ନୀତି ଓ ନୀୟମେ

   ବନ୍ଧା ପ୍ରତି ଅନୁଷ୍ଠାନ ।

ପ୍ରତି ଅନୁଷ୍ଠାନ ରହିବା ଉଚିତ

   ସ୍ୱଚ୍ଛ ମୁକ୍ତ ପରିଚ୍ଛନ୍ନ

ସବୁଜ ସୁନ୍ଦର ଥିଲେ ପରିବେଶ

   ପ୍ରସନ୍ନ ରହଇ ମନ ।

ଅନୁଷ୍ଠାନ ମୁଖ୍ୟ ଅଟନ୍ତି ପ୍ରଧାନ

   ଶିକ୍ଷକ ପରିଚାଳକ

ସଚେତନ ସଦା ରହନ୍ତି ଜାଗ୍ରତ

   ସୁକର୍ତ୍ତବ୍ୟ ନୀତିନିଷ୍ଠ ।

ହେଉ ବିଦ୍ୟାଳୟ ଅବା କାର୍ଯ୍ୟାଳୟ

   ଅନୁଷ୍ଠାନ ପ୍ରତିଷ୍ଠାନ

ସୁବିଶ୍ୱ।ସ ବଳେ ସର୍ବସାଧାରଣେ

   ଅରଜଇ କୀର୍ତ୍ତିମାନ ।