ଲାଇବ୍ରେରୀ
ପ୍ରୋଫାଇଲ୍
ଅନନ୍ତ ପ୍ରତୀକ୍ଷା
ଅନନ୍ତ ପ୍ରତୀକ୍ଷା
1 min
321
ତୁମେ ଏମିତି ଥରେ ଅଚାନକ ଆସ
ଅନନ୍ତ ପ୍ରତୀକ୍ଷାର ଅନ୍ତ ହେଉ
ଅଥଚ ଅମୃତ ଆମନ୍ତ୍ରଣ ବଂଚି ରହୁ
ତୁମେ ଏମିତି ଥରେ ଛୁଇଁବାକୁ ଆସ
ସ୍ନେହିଳ ସ୍ପର୍ଶର ବୟସ ଲମ୍ବା ହେଉ
ଅଥଚ ଦେହ ଦେଉଳରେ ଦଧିନଉତି ଥାଉ
ତୁମେ ଏମିତି ଥରେ ଚୁମିବାକୁ ଆସ
କୁଣ୍ଡଳିନିରୁ ଉଦ୍ଗମ ସ୍ନେହ ତରଙ୍ଗମୟ ହେଉ
ଅଥଚ ସାରା ଦେହ ଦେହଳି ଅକ୍ଷୂର୍ଣ୍ଣ ଥାଉ
ତୁମେ ଏମିତି ଥରେ ଜାବୋଡି ଧରିବାକୁ ଆସ
ଦେହ ସୁଖର ଚରମ ଉତ୍କର୍ଷ ହେଉଥାଉ
ଅଥଚ ମନ ସୁଖର ସୀମାରେଖା ନଥାଉ
ତୁମେ ଏମିତି ଥରେ ଗପିବାକୁ ଆସ
ଅଳ୍ପ ଅଳ୍ପ ଅଣୁ ଗଳ୍ପ ଆରମ୍ଭ ହେଉ
ଅଥଚ ଅସରନ୍ତି ଗଳ୍ପର ଆତ୍ମିକ ବିବର୍ତ୍ତନ ହେଉ
ତୁମେ ଏମିତି ଆସିବ କହୁଥାଅ
ଅଥଚ ଆସୁନଥାଅ
ଦେଖିବାର ଉତ୍କଣ୍ଠା ଲମ୍ବେଇ ଯାଉ
ଅଥଚ ଅନ୍ତହୀନ ସମୀକ୍ଷା ଶେଷ ନ ହେଉ
ଅଥଚ ସୀମାହୀନ ପ୍ରେମ ସ୍ୱରୂପ ବଂଚି ଥାଉ
