ଅନିତ୍ୟ ସଂସାର

ଅନିତ୍ୟ ସଂସାର କ୍ଷଣିକ ଜୀବନ

  ଲାଗେ ମାୟା ମରୀଚିକା

ଧନ ଯଉବନ ଅଢେଇ ଦିନିଆ

  ସମୟରେ ପଡେ ଫିକା।

ଅମାପ ସମ୍ପଦ ବିପୁଳ ପ୍ରାଚୂର୍ଯ୍ୟ

 ସବୁ ହୋଇଯାଏ ଲୀନ

ଗର୍ବ ଅହଂକାର ଖର୍ବ ହୋଇଯାଏ

  ଏହା ନୁହଁଇ ଜୀବନ।

ପର ପାଇଁ ଯଦି ପ୍ରାଣ ନ କାନ୍ଦ ଇ

  ସେକି ମଣିଷ ରେ ଗଣା

ନିଜ ସ୍ବାର୍ଥ ଚିନ୍ତି ସମୟ କାଟିଲେ

   ହୋଇଯିବ ବାଟ ବଣା।

ଅନିତ୍ୟ ସଂସାର ହୋଇଯିବ ସାର

   ପରକୁ ଆପଣା କଲେ

ମାନବ ର ସେବା ମାଧବ ଙ୍କ ସେବା

  ଏଇ ଜ୍ଞାନ ଶିକ୍ଷା ହେଲେ।

ମଣିଷ ଜୀବନ ହୁଅଇ ସାର୍ଥକ

  ଅନ୍ୟ ପାଇଁ ହେଉ ଦୀକ୍ଷା

ଜଗନ୍ନାଥ ସ୍ଵାମୀ ବର ଦାନ ଦେବେ

  କର ଯୋଡ଼ି ମାଗ ଭିକ୍ଷା।