ଅକ୍ଷୟ ତୃତୀୟା

କୃଷି ଭିତିକ ଏ ରାଇଜ ଆମର

ବାର ମାସେ ତେର ପର୍ବ,

ଚଷା ଭାଇ ପାଳେ ମହା ଆନନ୍ଦରେ

ଦେଖାଇ ନିଜର ଗର୍ବ l

ବୈଶାଖ ମାସର ଶୁକ୍ଳ ତୃତୀୟାରେ

ପୁଣ୍ୟ ପର୍ବ ପଡି ଥାଇ,

ଚଷା ଭାଇ ଚଳେ କ୍ଷେତକୁ ତାହାର

ଚାଷ ଅନୁକୂଳ ପାଇ l

ଏହିଁ ଦିବସରେ ନୀଳାଞ୍ଚରେ ଯେ 

ପ୍ରଭୁଙ୍କ ଉତ୍ସବ ହୁଏ,

କାଠ ଅନୁକୂଳ ରଥର ନିର୍ମାଣ 

ଶୁଭା ରମ୍ଭ ହୋଇ ଥାଏ l

ପ୍ରଭୁ ବଳ ରାମ ଏହିଁ ଲଗନରେ

ରେବତୀଙ୍କୁ ପାଇ ଥିଲେ,

ବିବାହ ବନ୍ଧନେ ବାନ୍ଧି ହୋଇ ପୁଣି

ଚାପ ଖେଳୁ ଥିଲେ ଭଲେ l

ଏହିଁ ଦିନ ପ୍ରଭୁ ପର୍ଶୁରାମଙ୍କର

ମର୍ତ୍ତେ ଆବିର୍ଭାବ ହେଲା,

ଜୟ ଦେବ ପୁଣି ଜନମ ଲଭିଣ

ଗୀତ ଗୋବିନ୍ଦ ରଚିଲା l

ବ୍ୟାସ ଦେବଙ୍କର ମହାନ ରଚନା

ମହାଭାରତର ଗାଥା,

ଅଠର ଦିନ ବ୍ୟାପି ଯୁଦ୍ଧ ଲାଗିଥିଲା

ଶେଷ ପର୍ବ ଦୁଃଖ କଥା l

ପାଣ୍ଡବ ମାନଙ୍କୁ ଅକ୍ଷୟ ପାତ୍ରର ଦାନ

କରିଥିଲେ ସୂର୍ଯ୍ୟ ଦେବ,

ସୃଷ୍ଟି ଆରମ୍ଭିଲେ ସତ୍ୟ ଯୁଗେ ବ୍ରହ୍ମା

ମନେ ଆଣି ଅନୁଭବ l

ବିବାହ ବ୍ରତ ଶୁଭ ମାଙ୍ଗଳୀକ କାର୍ଯ୍ୟ

ଗୃହ ପ୍ରବେଶ ଯେ ହୁଏ,

ଅକ୍ଷୟ ପୁଣ୍ୟର ଫଳ ଲଭି ତାହା

କୋଟି ଜନ୍ମ ଫଳ ଦିଏll