ଜୀବନ ଗଣିତ
ଜୀବନ ଗଣିତ
ଏ ଜୀବନ ଟା ଏକ ଅଛିଣ୍ଡା ଗଣିତ
ସମୟର ଯୋଗଫଳ
ବିୟୋଗରେ ମିଳେ ଶୂନ୍ୟ ଏଠି
ହରଣ ଗୁଣନ ରେ ସରେ କାଳ ।
ଚନ୍ଦ୍ର କୁଟିଳ ବର୍ଗ ରୈଖିକ ବନ୍ଧନୀ
ସରଳୀକରଣ ନୁହେଁ ସହଜ
ମେଧାବୀ ଛାତ୍ର ନହେଲେ କେବେ
କରିବ ଏହାକୁ ସରଳ ।
ଉତ୍ତର ମିଳାଇବା ବଡ଼ କଥା ନୁହେଁ
ଧାରା ଯଦି ଭୁଲ୍ ହୁଏ
ପରୀକ୍ଷା ରେ ହେବାକୁ ଉତ୍ତୀର୍ଣ୍ଣ କେବେ
ପାଇବ କି ସେ ନମ୍ବର ହାଏ ।
ଗଭୀର ଅନୁଶୀଳନ ବିହୁନେ
ପାସ୍ ମାର୍କ ପାଇବା ତ ଦୂର
ଫେଲ୍ ହେବା ହୁଏ ସ୍ଥିର
ମୂଲ୍ୟ ହୀନ ସେ ଅଧ୍ୟୟନ
ଏଇତ ଜୀବନ ଦର୍ଶନ ।
ପ୍ରଗତି ପଥେ ହେବା ପାଇଁ ଅଗ୍ରସର
ସଦା ହେବା ସଚେତନ ସାବଧାନ
ଅଥବା ଜୀବନ ଜୀବିକା ସବୁ ଅକାରଣ
ସକଳ ପରୀକ୍ଷା ହେବ ନିଷ୍ଫଳ ପ୍ରମାଣ ।