Library
Profile
ପ୍ରକୃତିର ଅଭିସାର
ପ୍ରକୃତିର ଅଭିସାର
ଲୋହିତ ସଞ୍ଜ
ମନ୍ଦିରରେ ମାଙ୍ଗଳିକ ଧ୍ଵନି
ସ୍ଵର୍ଣ୍ଣାଭ ଆଲୋକରେ
ସକାଳର କାକର
ପାହାଡ଼ ତଳ ବନ ଭୂଇଁ
ପୋଖରୀର ନୀଳ କଇଁ
ଦୂର ପାହାଡ଼ର କୁହୁଡ଼ି
ପରିସ୍କାର ନଦିଶିଲେ ବି
ସବୁ ଦେଖେ ଅବାକ ହୋଇ |
ମହୁଆ ଫଗୁଣର ମୋହ
ଉଚ୍ଚାଟ ବଇଁଶୀର ସ୍ଵନ
ବାସ୍ନାମୟ କିଆ ବନ
ତାଳ ଗଛ ଫାଙ୍କରେ
ଧୀରେ ଧୀରେ ଉଉଁଥିବା ଜହ୍ନ,
ନଈ କଡ଼ କ୍ଷେତରେ
ସୋରିଷ ଫୁଲର ସମ୍ଭାର
କେଜାଣି କେମିତି କିଣିନିଏ
କେତେ କେତେ ମନ ପ୍ରାଣ |
ଉପରେ ଧଳା ବଉଦର ଭେଳା
ଆକାଶରେ ସିନ୍ଦୁର ଛିଟା
lign-justify">ଚଢେଇଙ୍କ ସଞ୍ଜ ବାହୁଡା
ପ୍ରଜାପତିଙ୍କର ଚିତ୍ରିତ ଡେଣା
ଜହ୍ନ ଆଲୁଅରେ ସୋଇଥିବା ନଈ ପଠା
ହସୁଥିବା କାଶତଣ୍ଡୀ ଫୁଲ
ମିଞ୍ଜି ମିଞ୍ଜି ତାରା ଆଲୁଅରେ
ବେଳାଭୂଇଁ ଝାଉଁ ବନ,
ପାଗଳ ପରି ଡ଼େଉଁଥିବା
ଜୁଆରିଆ ସମୁଦ୍ରର ଢେଉ
ସବୁକିଛି ମନମଗ୍ନ ଥାଉ |
ଆକାଶରେ ରଙ୍ଗର ଇନ୍ଦ୍ରଧନୁ
ଅସରାଏ ବର୍ଷାରେ ମାଟିର ବାସ୍ନା
ଫୁଲ ଉପରେ ମହୁମାଛିର ଗୁଣୁଗୁଣୁ
ନଈକୂଳରେ ଶୀତଳ ବାଆ
ନଈ ଜଳରେ ଭାସମାନ ନାଆ
ନାଆ ଉପରେ ନାଉରିର ଡାକ
ସବୁର ଇସାରାରେ ଥାଏ ଆମନ୍ତ୍ରଣ|
ଜୀବନ ରାସ୍ତାରେ ବାଟୋଇ ମୁଁ
ସବୁକିଛି ଚିକ ମିକ କରେ
ପ୍ରକୃତିର ଏ ମନୋରମ ଅଭିସାର
ଦେଖେ ମୁହିଁ ଗଭୀର ବିସ୍ମୟେ |
