ପାରିବାରିକ କଳହ
ପାରିବାରିକ କଳହ
॥୧॥
ବ୍ୟକ୍ତି ସତ୍ତାଟି ଗଢିବା ପାଇଁ କି
ଲୋଡା ହୁଏ ପରିବାର।
ଶିଶୁରୁ ମଣିଷ ଜୀବନ ନିର୍ମାଣେ
ମହାନ ଦାୟୀତ୍ଵ ସାର ॥
॥୨॥
ମିଳିମିଶି ରହିଥିବା ଏକଠାବେ
ବାଉଁଶ ବୁଦା ପ୍ରକାର।
ଝଡ ତୋଫାନରେ ନିର୍ଭୟ ରହିବା
ମଥାନୁଆଁଇ ଆମର ॥
॥ ୩॥
ଶାନ୍ତି ସନ୍ତୋଷରେ ଥିଲେ ପରିବାର
ସରଗର ସୁଖ ମିଳେ ।
ଯୋଡି ହୁଏନାହିଁ ସଦସ୍ୟଙ୍କ ମନ
ଥରେ ଯଦି ଭାଙ୍ଗିଗଲେ ॥
॥ ୪॥
ପାଞ୍ଚଟି ମନକୁ ଏକ ଠାବେ ରଖି
ଚ଼ଳିଥାଏ ପରିବାର ।
ତ୍ୟାଗ ଓ ତିତିକ୍ଷା ସଂସ୍କାର ଶିଖାଏ
ବାଲ୍ୟକାଳରୁ ଆମର ॥
॥ ୫॥
ପରସ୍ପର ଛିଦ୍ର ଦେଖାଦେଖି ହେଲେ
ମନ ଫଟାଫଟି ହୁଏ ।
ସହନଶୀଳତା ଆଉ ବିନମ୍ରତା
ପରିବାର ଶିକ୍ଷା ଦିଏ ॥
॥ ୬॥
ମୁଁ କାରଭାବନା ବୃଦ୍ଧି ହେଲେ ଭାଇ
ପରିବାରରେ କଳହ ।
ଗୃହ ମୁଖ୍ୟଙ୍କର କଥା ନମାନିଲେ
ଚାଲେ ବାକ୍ୟ ବିନିମୟ ॥
॥ ୭॥
ଗର୍ଜନ ତର୍ଜନ ଗଣ୍ଡଗୋଳ କଲେ
ସୃଷ୍ଟି ହୁଏ ମନାନ୍ତର ॥
ସେନେହ ମମତା ଯୋଡ଼େ ପରିବାରେ
ନିବିଡ ପ୍ରୀତିର ଡୋର ॥
॥ ୮॥
ନିଜ ସ୍ଵାର୍ଥସିଦ୍ଧି ଆଗରେ ରଖିଲେ
କଳି କଜିଆ ବଢ଼ଇ ।
ହିଂସା ଅହଂକାର ବସା ବାନ୍ଧିଥାଏ
ଦେଖାଇ ହେଲେ ବଡେଇ ॥
॥୯॥
ହଣାମରା କଟା ମାଲିମକଦ୍ଦମା
ହେଲେ କୋର୍ଟଧାଇଁ ଧାଇଁ ।
ଅର୍ଥ ନାଶ ଅପମାନ ସାର ହୁଏ
ପରିବାରେ ସୁଖ କାହିଁ ॥
॥୧୦॥
ଗୃହ ମୁଖ୍ୟ କଥା ମାନି ଚ଼ଳୁଥିଲେ
ଗୃହ ବଇକୁଣ୍ଠ ସମ।
ନ କରି କଳହ ମଉନ ରହିଲେ
ଲଭବ ସୁଖପରମ ॥