ରାବଣ ଦର୍ଶନ
ରାବଣ ଦର୍ଶନ
ସେଦିନ ପଡିଆରେ
ଢୋ ଢୋ କରି
ଫୁଟୁଥିଲା, ରାବଣର
ଦଶମୁଣ୍ଡ ଆତସବାଜି ସହ |
ରାବଣପୋଡି ଉତ୍ସବରେ
ପଡିଆରେ ଠପଠପ
ଗଳି ପଡୁଥିଲା, ନେତାଙ୍କ ଭାଷଣ
ଓ ଆୟଯୋକଙ୍କ ବକ୍ତୃତା |
ମୋତେକିନ୍ତୁ ଦିଶୁଥିଲା
ରାବଣ ଦର୍ଶନ.....
ବେଦଜ୍ଞ ଓ ଦଶ ମସ୍ତିଷ୍କର
ବୁଦ୍ଧିମତ୍ତା ମୁଣ୍ଡ |
ସ୍ଵର୍ଣ ଲଙ୍କା କଣ ବନିଥିଲା
ଏମିତି ବିନା ସୁଶାସନେ?
ଦିଶୁଥଲା, ଉଦରମତ୍ତା ଭାଇର
ଜକଜକ ଆଖି ଲୁହ....
ଭଉଣୀର ଅପମାନ ପାଲଟିଲା
କାଳକ୍ରମେ ପ୍ରତିଶୋଧ ବହ୍ନି.....
ରଖିଲା ଅଶୋକ ବନେ
ବରଷ ବରଷ |
ନାରୀର ଇଚ୍ଛାକୁ
ସମ୍ମାନ ଦେଇ ସଜିଲା ସେ
ପ୍ରକୃତ ପୁରୁଷ |
ଶତ୍ରୁ ନିମତ୍ରଣ ସାଦରେ ସ୍ବୀକାରି
ଜ୍ଵଳନ୍ତ ଦୃଷ୍ଟାନ୍ତ ସାଜି
ବିଜ୍ଞ, ମହାନ ବ୍ୟକ୍ତିତ୍ବର |
କିନ୍ତୁ ପର ସ୍ତ୍ରୀ ହରଣ ପାପର ବୋଝ
ସବୁଦିନ ତା ଲଲାଟ ପଟେ
ସେପାଇଁ ଜଳୁଛି ସେ ପ୍ରତିବର୍ଷ
କାହିଁ କେତେଦିନୁ ତିଳତିଳ ହୋଇ |
ରାବଣଠୁ ଯଥେଷ୍ଟ କ୍ରୂର ଭୟଙ୍କର
ରାକ୍ଷସ ବୁଲନ୍ତି ଫାଙ୍କାରେ ଆଜି
ତାର କଳନା ହିଁ ନାହିଁ |
ଏମିତି ରାଜ୍ୟର କଳ୍ପନାରେ ଡୁବନ୍ତି
ସମସ୍ତେ; ଯେଉଁଠି ନାରୀ ସାଜେ ତେଜ୍ୟା
ଅନ୍ୟ ଖୁସି ପାଇଁ |
ନାରୀକୁ ପଣ୍ୟ ମଣୂଥିବା
ସମାଜର ଭବିଷ୍ୟତ କେବଳ ଅନ୍ଧକାର,
ଭାଷଣବାଜିର ଫାଙ୍କା ଆବାଜରେ |
ସମାଜରେ ନାରୀ ସୁରକ୍ଷାର ବାସ୍ତବତା ହିଁ
ରାବଣପୋଡି ଉତ୍ସବ ପ୍ରକୃତରେ |