Win cash rewards worth Rs.45,000. Participate in "A Writing Contest with a TWIST".
Win cash rewards worth Rs.45,000. Participate in "A Writing Contest with a TWIST".

Minati Pradhan

Tragedy Action


3  

Minati Pradhan

Tragedy Action


ଦାଦନ

ଦାଦନ

1 min 11.9K 1 min 11.9K

ଦାଦନ !

ହଁ, ଦାଦନ ଶ୍ରମିକ ମୁଁ

ମୋ ପାଇଁ ତୁମର ଏ ଆରାମ

ଉନ୍ନତ ଜୀବନ ଶୈଳୀ ଓ ବିଳାସ ବ୍ୟସନ

ତଥା କଥିତ ନୈତିକତାର ଜୀବନ |


ମୁଁ କିନ୍ତୁ କେବଳ

ଭୋକ ପାଇଁ ଆହାର ଯୋଗାଡରେ

ଚିର ଫଟାକୁ ଉନ୍ନତ କରିବାର ପ୍ରବଳ ପ୍ରଚେଷ୍ଟା ଭିତରେ

ଫୋଟୋକା ପାଦରେ ଆଗେଇ ଯାଏ |


ତା' ଭିତରେ ସନ୍ତୁଳନ ହରାଇ

କେବେ ହାରିଯାଏ ଜୀବନ ଯୁଦ୍ଧରେ

କେବେ ଟ୍ରାକ ଉପରେ ତ

କେବେ ତତଲା ସୂର୍ଯ୍ୟ କିରଣରେ

ଅଜଣା ଦ୍ରୁତଗାମୀର ଚକ ତଳେ

କେବେ ଲିଭି ଯାଏ ନିଷ୍ପେଷିତ ଜୀବନ ଅକାରଣରେ |


ଦାଦନ ଶ୍ରମିକ ମୁଁ ! ଭୀରୁ

ଗଛରୁ ଝୁଲିଲେ ବି,

କଣ ଫରକ ପଡେ କାହାର ?

ବଳଦର ବି ଦୟା ଆସେ

ସାଥେ ମିଳାଏ ଥକି ପଡିଥିବା କ୍ଳାନ୍ତ ପାଦର

କେବଳ ଜିଇଁବା ଆଶାରେ ଆଗକୁ ଚାଲେ

ସଂସାରକୁ ପଛେ ଥୋଇ |


ଦାଦନ ଶ୍ରମିକ ମୁଁ ! ସାହସୀ

ସେଥିପାଇଁ ଜନ୍ମ ଦେଇ ପାରେ

ଜୀବନକୁ ରାସ୍ତାପାଖ ଗଛ ମୂଳେ |

କେବେ ଡହଳ ବିକଳ ହୁଏ

ପାଦ ଚଲା ରାସ୍ତା ପରେ ଜୀବନର ବୋଝ ବୋହି

ଭୋକ, ଖରା, ପରଖନ୍ତି ଧର୍ୟ୍ୟ ମାତୃତ୍ଵର |


ଦାଦନ ଶ୍ରମିକ ମୁଁ ! ମଣିଷ ଠୁ ହୀନ

ରକ୍ତର ରଙ୍ଗ, ଏଠି ଅତ୍ୟନ୍ତ ପାଣିଆ

ଜୀବନ ମୂଲ୍ୟହୀନ, ଲାଭକ୍ଷତି ଆଗେ |

କରୋନା ଟା ବଦନାମ ଖାଲି ମହାମାରୀ ବୋଲି

ବଡ ବେମାରୀ ତ ଗୁପ୍ତରେ, ରୁଗଣ ମାନସିକତା,

ଆଉ ସେଥିପାଇଁ ଦାଦନର ଜନ୍ମ ଓ ବଞ୍ଚିବା ମିଳେ

ଭିକରେ, ହକରେ ନୁହେଁ |


Rate this content
Log in

More oriya poem from Minati Pradhan

Similar oriya poem from Tragedy