ଦିବ୍ୟଜ୍ଞାନ ଦିଅ ହରି🙏
ଦିବ୍ୟଜ୍ଞାନ ଦିଅ ହରି🙏
ଷୋଡ଼ଶ ସମ୍ଭାର ପୂଜା ଉପଚାର
ବହୁବିଧେ ଆପଣେଇ ,
ବରାମାସେ ତେର ଓଷା ଉପବାସେ
ଅନ୍ନ-ଜଳ ତେଜି ଦେଇ ।
ସଂସାର ଯାକର ତୀର୍ଥସ୍ଥଳୀ ବୁଲି
ଅରଜୁ ଅଛେ ଧରମ,
ପୂଣ୍ୟବନ୍ତ ବୋଲି ମନେ ଦମ୍ଭ ବୋହି
ଲୋଡୁ ସରଗର ଧାମ।
ଦୟା ଚକ୍ଷୁ ମେଲି ଦେଖି ନାହୁଁ ଯଦି
ଭୋକର ଭୂଗୋଳ ଖୋଲି ,
ଆସେ ପାଶେ କେତେ ଆପଣାର ମୁଖେ
ଦାନା ନାହିଁ ପେଟ ଖାଲି ?
ଖିର-ଲହୁଣୀକୁ ଯୋଗାଡି ରଖୁଛୁ
ଖିରାଭିଷେକର ଲାଗି ,
ପୁଷ୍ଟିହୀନତାରେ ଶହ ଶହ ଶିଶୁ
ଆଖି ହୋଇଯାଏ ମୁଦି !
ମନ୍ଦିର, ମସଜିଦ, ଗୁରୁଦ୍ୱାରେ ନେଇ
ସୁବର୍ଣ୍ଣ ମାଣିକ ପୋତ,
ମୁଣ୍ଡ ଗୁଞ୍ଜିବାକୁ କେତେ ଅରକ୍ଷିତ
ଲୋଡ଼ନ୍ତି ଆକାଶ ଛାତ !
ଈଶ୍ବର ଅସୀମ ସର୍ବବ୍ୟାପି, ସିଏ
ସକାଳ ଘଟରେ ସ୍ଥିତ,
ଜୀବନ୍ତ ଈଶ୍ବର ଅନାହାରେ ମଲେ
ପାଷାଣ ହେବେକି ତୃପ୍ତ ?
ମାନବର ସେବା ମାଧବର ସେବା
ସବୁ ଧର୍ମ ମର୍ମବାଣୀ,
ମରମ ନବୁଝି ଧରମ ଅରଜି
ବୋଲାଉଛେ ଦିବ୍ୟଜ୍ଞାନୀ !
ଜାଗ-ଯଜ୍ଞ-ତିଥି , ପୂଜନର ବିଧି
ଦିଏ ପଛେ ମୁଁ ପାଶୋରି,
ପ୍ରାଣୀ ଦୁଃଖ ଦେଖି କାନ୍ଦୁ ଥାଉ ପ୍ରାଣ
ଦିବ୍ୟ ଜ୍ଞାନ ଦିଅ ହରି ।
***********************