କଷ୍ଟି ଡାକୁଆ-ଡକ୍ଟର କୃତ୍ତିବାସ ନାୟକ

ବେଶିଦିନ ନୁହେଁ କଥାଟିଏ,

ନୟାଗଡ଼ ନାମେ ଗଡ଼ଜାତ ରାଜ୍ୟ-

ଅନ୍ଧାରି ଶାସନ ଚାଲିଥାଏ |

ସହି ପାରିଲେନି ଅତ୍ୟାଚାର,

ମାତିଲେ ପ୍ରଜାଏ ମେଳିକରି ପୁଣି-

କାଢିଲେ ନିଜର ଧନୁଶର | 

କୁମ୍ପାପଡ଼ାଠାରେ ହେଲା ସଭା,

ପ୍ରଜା ମଣ୍ଡଳରେ କନ୍ଧମାନେ ମିଶି-

କହିଲେ-ବିଦେଶୀ ହଟାଇବା |

ଠେଙ୍ଗା-ବାଡ଼ି ଧରି ବାହାରିଲେ,

ଟେଲିଫୋନ ତାର କଟାକଟି କରି-

ସରକାରୀ ଘର ପୋଡ଼ିଦେଲେ |

ବୀରବାଜା ବାଜେ ଢାଉଁ ଢାଉଁ,

ନୟାଗଡ଼ ବଣ-ପାହାଡ଼ କମ୍ପିଲା-

ମଶାଲ ଜଳିଲା ଦାଉଦାଉ |

କନ୍ଧପିଲା କଷ୍ଟି ବୀରବର,

ଡାକୁଆ ନ

Advertisement

ାମରେ ସମସ୍ତେ ଜାଣନ୍ତି-

ଆଗେଇ ଚାଲିଛି ନାହିଁ ଡର |

ଲଢୁଆ ସଇନ ମାଡ଼ିଗଲେ,

ନୂଆଗାଁ’ଠାରେ ପୁଲିସ ବାହିନୀ-

ବନ୍ଧୁକ ସଜେଇ ରହିଥିଲେ |

ଊଣେଇଶ ବୟାଳିଶ ସାଲ,

ଅକ୍ଟୋବର ମାସ ଦଶ ତାରିଖରେ-

ସକାଳଟି ଥିଲା ଶୁଭକାଳ |

ହୋଇଗଲା ତହିଁ ଭେଟାଭେଟି,

କଷ୍ଟି ଡାକୁଆର ରକତ ଧାରରେ-

ନାଲି ହେଲା ନୂଆଗାଁ’ ମାଟି |

ଶରୀରରୁ ଛାଡ଼ିଗଲା ପ୍ରାଣ,

ସହିଦ ହୋଇଲେ ଜାତିପାଇଁ ବୀର-

ଗାଇ ଗାନ୍ଧୀଙ୍କର ଜୟଗାନ |

ସ୍ମୃତିସ୍ତମ୍ଭ ଏକ ହେଲା ଠିଆ,

ବୀର ଡାକୁଆର ସନମାନ ପାଇଁ-

ତୀର୍ଥଭୂମି ହେଲା ନୂଆ ଗାଆଁ |