ଏଇ ଘର ଆମ ସରଗ ସୁନ୍ଦର
ଏଇ ଘର ଆମ ସରଗ ସୁନ୍ଦର
ଏଇ ଘର ଆମ ସରଗ ସୁନ୍ଦର
ହସଇ ଆମ ସଂସାର
ପିତା ମାତା ସଙ୍ଗେ ପ୍ରିୟ ପରିଜନ
ସନ୍ତାନ ସନ୍ତତିଙ୍କର ||
ସୁଖ ବାଣ୍ଟୁ ଆମେ ଦୁଃଖ ବାଣ୍ଟିନେଉ
ବିପଦେ ଆପଦେ ସଢି
ଯେତେ ଝଡଝଞ୍ଜା ଆସିଲେ ତା ସାଥେ
ଲଢି ଆଗେ ଯାଉ ବଢି ||
ମାଆର ପଣତ ଲୁହ ପୋଛିି ଦିଏ
ସୁଖେ ଦୁଃଖେପାଶେ ରହି
ବରଗଛ ପରି ବାପାଙ୍କର ଛାଇ
ସବୁବେଳେ ଥାଏ ରହି ||
ଭାଇ ଭଉଣୀଙ୍କ ସେନେହ ମମତା
ହସ ଖୁସି ଥଟ୍ଟା ମଜା
ସୁନ୍ଦର କାହାଣୀ ନୀତିବାଣୀ ଭରା
ଜେଜେ ଜେଜେମାଙ୍କ ମଜା ||
ବାରମାସେ ତେର ପରବେ ସଭିଙ୍କ
ଆନନ୍ଦର ସୀମା ନାହିଁ
ବିବାହ ଉତ୍ସବ ଜନ୍ମଦିନ ଅବା
ଅନ୍ୟୋତ୍ସବ ଥାଉ ହୋଇ ||
ଆମ ଘର ସତେ ସରଗ ପୁର କି
ଏଇ ମହୀ ମଣ୍ଡଳରେ
ସୁଖ ଶାନ୍ତି ଯହିଁ ଥାଏ ନିରନ୍ତର
ହସ ଖୁସି ପରିବାରେ ||