ରକ୍ଷାକର ମହାବାହୁ

 ହେ ଜଗତ ବାସୀ    ଡାକ ହାତ ଟେକି

       ରଖ ପ୍ରଭୁ ମହାବାହୁ

 ଏ ମହୀ ମଣ୍ଡଳୁ      ମହା ବିପତ୍ତିର

       ପ୍ରାଦୁର୍ଭାବ ଦୂର ହେଉ ||

 ତୁହି ପରା ପ୍ରଭୁ     ଅଣାକାର ବ୍ରହ୍ମ

      ସବୁଠି ବିରାଜି ଥାଉ

 ଅଦୃଶ୍ୟ ଶକତି     କରୁଅଛି ନାଟ

      ନୀରବେ କିପରି ରହୁ ||

 ହେ ଚକାନୟନ     ଜଗତ ଜୀବନ

      ଦୁଃଖୀଜନ ଦୁଃଖ ନେଉ

 ଗୁହାରୀ

Advertisement

କରୁଛି     ଏ ଜଗତ ବାସୀ

       ତୁମ କୃପା ଏବେ ହେଉ ||

 ପାପୀ ନାଶିବାକୁ     ତପୀ ତାରିବାକୁ  

      ଧରାକୁ ଓହ୍ଲାଇ ଥାଉ

  କେତେ ଦିନ ଆଉ    ମାନବ ଭୋଗିବ

      ଅଦୃଶ୍ୟ ଶକତି ଦାଉ ||

  କରୁଣା କର ହେ     କରୋନାକୁ ନାଶ

      ଏ ସଂସାରୁ ଦୁଃଖ ଯାଉ

  ତୁମ ସୃଷ୍ଟି ଶ୍ରେଷ୍ଠ     ମାନବ ଜାତିକୁ

      ରକ୍ଷାକର ମହାବାହୁ ||