ଭ୍ରଷ୍ଟାଚାର ଓ ଶିଷ୍ଟାଚାର

*ଭ୍ରଷ୍ଟାଚାର ଓ ଶିଷ୍ଟାଚାର*
***********************
ଏ ଧରା ଧାମର        ଅମୃତ ସନ୍ତାନ
      ଏ ଦିବ୍ୟ ମାନବ ପରା
ଦିବ୍ୟତା ରେ ବିଷ ଟିକେ ମିଶିଗଲେ
      ଧରାକୁ ମଣଇଁ ସରା ||୧||
ନମ୍ର ଭଦ୍ର ହାସ୍ୟ ଶାନ୍ତି ପ୍ରେମ ମୈତ୍ରୀ
       ଦୟା କ୍ଷମା ଆଚରଣ
ଉଦାରତା ଶ୍ରଦ୍ଧା     ଶାଳୀନତା ଭାବ
      ଶିଷ୍ଟାଚାର ତା ଭୂଷଣ ||୨||
ପିତା ମାତା ଗୁରୁ      ପରିବାର ଠାରୁ 
        ସଂସ୍କାର ଶିକ୍ଷା ମିଳଇ
ତାଙ୍କରି ଆଶିଷେ ଶିଷ୍ଟାଚାରୀ ହୋଇ
         ମହାମାନବ ହୁଅଇ ||୩||
ପାଶ୍ଚାତ୍ୟ ଶିକ୍ଷାର     ହନୁ କରଣରେ
          କୁପଥେ ସମାଜ ଯାଏ
ସେପାଇଁ ମାନବ      ଶିଷ୍ଟାଚାର ଛାଡି
    ଭ୍ରଷ୍ଟାଚାରୀ ହୋଇ ଥାଏ ||୪|l
କଟୁ କଥା ଘୃଣା ହୀନ କାର୍ଯ୍ୟ ମିଥ୍ୟା
       ଦୁର୍ନୀତି ଅନୀତି ଧରି
ପର ନିନ୍ଦା ଚର୍ଚ୍ଚା      ଠକ ଭଣ୍ଡ ଲାଞ୍ଚ
      ହତ୍ୟା ବଳାତ୍କାର ଚୋରୀ ||୫||
 ଭ୍ରଷ୍ଟାଚାର ର ଏ       ଅବଗୁଣ ଅଟେ
        ହୃଦୟେ ଯାହାର ଥାଏ
 ଅମଣିଷ ପଣେ     ଗାଣା ହୋଇଥାଏ
       ମାନବୁ ଦାନବ ହୁଏ ||୬||
ଦୁର୍ବେବହାର ଯେ କରେ ପିତା ମାତା
         ଗୁରୁ ଗୁରୁଜନେ ଦିଏ
 ଅଭିଷପ୍ତ ହୋଇ     ଅନୁତାପାନଳେ
          ଆଜୀବନ କଷ୍ଟ ପାଏ ||୭||
ଆମ ବେଦ ଶାସ୍ତ୍ର      ନୈତିକ ଶିକ୍ଷାର
        ଖୋରାକ ଯୋଗାଇ ଥାଏ
ଉତ୍ତମ ଶିକ୍ଷାର       ଜ୍ଞାନାଲୋକ ଜାଳି
       ଉତ୍ତମ ମାରଗେ ନିଏ ||୮||
ଭ୍ରଷ୍ଟାଚାର ଛାଡି        ଶିଷ୍ଟାଚାର ପଥେ
       ଚାଲିଲେ ଧନ୍ୟ ହୋଇବା
ଯୁଗ ଯୁଗ ପାଇଁ         ଇତିହାସ ପୃଷ୍ଠେ
        ନାମ ଧରାରେ ରଖିବା ||୯|| *************************
*ରତିନାରାୟଣ ରାଉତ*
ହରିଚନ୍ଦନପୁର,କେନ୍ଦୁଝର,ଓଡିଶା *************************