ନବବର୍ଷ 2023

ଆସିଛି ନୂତନ ସକାଳ ସାଥିରେ 

 ନୂଆ ବରଷଟା ଆଜି 

ମନରେ ଜାଗିଛି ଆଶlର ଉଲ୍ଲାସ  

 ଲୋହିତ କିରଣେ ଭିଜି 

ବଧେଇ ଦେଉଛି ନବ ବରଷରେ 

  ଜଣାଏ ଅଭିନନ୍ଦନ 

 ଆଶା ଅଭିଳାଷl ପୁରି ଯାଉ ତୁମ 

  ଆନନ୍ଦେ କଟୁ ଜୀବନ 

ସମୟ ସୁଅରେ ପତର ପରାଏ

  ଦୁଃଖ ସବୁ ଭାସିଯାଉ 

ଜୀବନ ବେଳାରେ ସୁଖର ଜୁଆର 

  ଦୁଇ କୂଳ ଲଂଘୁ ଥାଉ 

ମନରେ ମମତା ହୃଦୟରେ ସ୍ନେହ 

  ଓଠରେ ମଧୁର ହସ 

ସବୁରି ପ୍ରାଣରେ ଦୟା ଭାବ ଭରୁ 

  ତେଇଶି ନୂଆ ବରଷ 

ମୁକୁଳା ପ୍ରାଣର ବାଲୁକା ଶେଯରେ 

  ସ୍ନେହ ମନ୍ଦାକିନୀ ବହୁ 

ମଧୁର ବଚନ ସାଗର ତରଙ୍ଗେ 

  ସବୁରି ମନକୁ ମୋହୁ 

ଅଞ୍ଜଳିରେ ଭରୁ ପ୍ରୀତିର ସୁମନ 

  ଆଖିରେ ସଫଳ ସ୍ୱପ୍ନ 

ମହ ମହ ବାସୁ ହୃଦୟ ତନ୍ତ୍ରୀରେ 

  ମନଫୁଲ ସହ ଜହ୍ନ 

ମନ ଆକାଶରେ ନୀଳିମା ବୁକୁରେ 

  ପୁନେଇଁ ଜହ୍ନଟା ହସୁ 

ଜୋଛନାରେ ଭିଜି ସବୁରି ଜୀବନେ 

  ପାରିଜାତ ଫୁଲ ବର୍ଷୁ 

ଯନ୍ତ୍ରଣା ବିଷାଦ ଅପସରି ଯାଉ 

  ଦୁନିଆ ବଡ଼ ଦାଣ୍ଡରୁ 

ମହ ମହ ବାସୁ ତୁଳସୀ ଚନ୍ଦନ 

  କାଳିଆ ଆଶୀଷ ଝରୁ  

ହେଉ ସର୍ବ ଶୁଭ ସମଗ୍ର ବିଶ୍ୱର 

 ଭାଇଚାରା ଦୃଢ଼ ହେଉ 

ସ୍ନେହର ଫଲ୍ଗୁ ସବୁ ବାଧା ଭାଙ୍ଗି 

 ଆମ ଜୀବନରେ ବୋହୁଥାଉ